«Ty nie možaš vyjhrać demakratyčnyja vybary tym, što kidaješ svajho apanienta za kraty». Ci adreahuje na słovy Vensa Łukašenka?
Za kratami zastajucca Siarhiej Cichanoŭski, Viktar Babaryka i Mikoła Statkievič.
Na Miunchienskaj kanfierencyi pa biaśpiecy vice-prezident ZŠA Džej Vens zrabiŭ emacyjanalnuju pramovu nakont pahroz, ź jakimi ciapier sutykajecca mižnarodnaja supolnaść.
Jon vykazaŭsia ab cenzury ŭ miedyja, palityčnaj baraćbie i mihracyi.
«Ty nie možaš vyjhrać demakratyčnyja vybary tym, što cenzuruješ ci kidaješ svajho apanienta za kraty. Niavažna, heta lidar apazicyi, ścipły chryścijanski viernik, jaki molicca ŭ svaim domie, ci žurnalist, jaki sprabuje pieradavać naviny. Nie možaš i pieramahčy, kali źnievažaješ svoj elektarat, zadajučy pytańni «Chto moža być častkaj našaha supolnaha hramadstva?»».
U Biełarusi 1226 čałaviek pryznanyja palityčnymi źniavolenymi. Za kratami znachodziacca lidary apazicyi, žurnalisty, pracaŭniki zavodaŭ, vykładčyki i inšyja ludzi, jakija ščyra vykazvalisia ab niespraviadlivaści ŭ krainie.
Da 14 hod kałonii asudžany eks-kandydat u prezidenty Biełarusi Viktar Babaryka i lidar Sacyjał-demakratyčnaj partyi Mikoła Statkievič. Za kratami znachodzicca i syn Babaryki Eduard. Da 19,5 hod pryhavaryli błohiera Siarhieja Cichanoŭskaha, da 11 hod — Maryju Kaleśnikavu, kiraŭnicu vybarčaha štabu Babaryki.
-
Prapahandysty pakazali na niekalki siekund papierku ź imionami raniej vyzvalenych palitviaźniaŭ. Što za ludzi ŭ hetym śpisie?
-
Trenierka-błohierka abraziła naviedvalnicu ŭ trenažorcy ŭ Novaj Baravoj. Ciapier skardzicca na ckavańnie
-
Biełaruski mańjak siadzić u Rasii i prydumlaje sabie novyja kryminalnyja spravy, kab nie viartacca ŭ turmu, dzie jaho katujuć
Kamientary