U ruchavik samalota «Biełavija» pry pasadcy ŭ Breście trapiła ptuška
Samalot źniali z nastupnych maršrutaŭ.
Fota ilustracyjnaje
Avijakampanija «Biełavija» 17 lutaha paviedamiła pra incydent z samalotam «Embrajer-175», jaki rabiŭ rejs pa maršrucie Maskva — Brest. Adznačajecca, što kali samalot (bartavy numar EW-512RO) rabiŭ pasadku, u jahony ruchavik trapiła ptuška.
U paviedamleńni havorycca, što bort «nie atrymaŭ bačnych paškodžańniaŭ, pryziamliŭsia paśpiachova, adnak dla harantavańnia biaśpieki dalejšych palotaŭ było pryniata rašeńnie zrabić dadatkovy techničny ahlad sudna».
U vyniku samalot byŭ źniaty z nastupnych maršrutaŭ i zamienieny na «Boinh-737». Heta, jak zajaŭlajecca, «paciahnuła karektavańnie raskładu».
Paviedamlajecca pra bolš čym čatyrochhadzinnuju zatrymku rejsaŭ Brest — Maskva, Maskva — Homiel, Homiel — Maskva, Maskva-Minsk. Avijakampanija pryniesła prabačeńni pasažyram.
Čytajcie taksama:
«Biełavija» zapuścić rejs z Mahilova ŭ Maskvu