«Pakul niama pryčyn». «Biełavija» nie budzie pravodzić ekstrannyja pravierki na fonie avijakatastrofy ŭ Paŭdniovaj Karei
Dyrektar «Biełavija» Ihar Čarhiniec zajaviŭ, što «Boinhi» avijakampanii absłuhoŭvajucca pa płanie.
«Biełavija» pakul nie źbirajecca pravodzić ekstrannyja pravierki samalotaŭ na fonie avijakatastrofy ŭ Paŭdniovaj Karei.
Pa słovach Ihara Čarhinca, avijakampanija pravodzić płanavyja pravierki — «heta štodzionnaja praca avijakampanii, avijacyjna-techničnaj bazy avijakampanii», piša rasijskaje vydańnie «Sputnik».
«U nas pakul niama nijakich pryčyn zajmacca niejkimi ekstrannymi pravierkami, tym bolš što tam niezrazumieła, što adbyvałasia. Adzinaje, što zrazumieła, samalot sutyknuŭsia — heta było vidać pa videa — z ptuškami. Jany trapili ŭ ruchaviki. Ale čamu takaja pasadka była — mnohaje jašče vielmi niezrazumieła», — skazaŭ Čarhiniec.
Jon adznačyŭ, što pakul rana rabić vysnovy: biełaruskaja avijakampanija, jak i mnohija inšyja ŭ śviecie, čakaje papiarednich vynikaŭ rasśledavańnia.
Kiraŭnik «Biełavija» dadaŭ, što ciapier u parku ŭ pieravozčyka znachodzicca niekalki bartoŭ Boeing 737-800, jany absłuhoŭvajucca na płanavaj asnovie.
29 kastryčnika pasažyrski samalot paciarpieŭ krušeńnie pry zachodzie na pasadku ŭ mižnarodnym aeraporcie horada Muan u Paŭdniovaj Karei. Zahinuli 179 čałaviek, vyžyli dvoje. Pavodle papiarednich źviestak, samalot sutyknuŭsia z ptuškami. Piłoty nie zmahli vypuścić šasi, bort paśla pryziamleńnia ŭrezaŭsia ŭ bietonny płot, razburyŭsia i zahareŭsia.
Napiaredadni paŭdniovakarejskaj avijakatastrofy ŭ śviecie adbylisia jašče dva zdareńni z samalotami, ale ź lepšym finałam
U Paŭdniovaj Karei pry zachodzie na pasadku raźbiŭsia pasažyrski samalot. 179 čałaviek zahinuli
Ź Minska zapuścili jašče adzin pramy rejs u Kitaj
Kazachstan adpravić čornyja skryni z Azerbaijan Airlines u Braziliju
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec112
Kamientary