Brytanski sud adchiliŭ pazoŭ kampanii «Dana Astra» ab źniaćci sankcyj

Vysoki sud Anhlii i Uelsa adchiliŭ pazoŭ ZTAA «Dana Astra» suprać dziaržaŭnaha sakratara pa zamiežnych spravach, spravach Sadružnaści i raźvićciu Vialikabrytanii, vynikaje ź infarmacyi na sajcie instancyi.

Zdymak ilustracyjny

Kampanija, kantralavanaja sierbskimi bratami Bahalubam i Drahamiram Karyčami, patrabavała admieny ŭviedzienych Vialikabrytanijaj sankcyj.

U pazovie śćviardžałasia, što zarehistravanaja na Kipry «Dana Astra» nibyta padviarhajecca šerahu abmiežavańniaŭ z boku ŭładaŭ Biełarusi, bo ličycca imi zachodniaj kampanijaj.

Adnak ža hetyja i inšyja dovady na karyść źniaćcia brytanskich sankcyj sud paličyŭ niepierakanaŭčymi.

Kampanija «Dana Astra» («Dana Chołdynhs») była adnym z asnoŭnych deviełapieraŭ i zabudoŭščykaŭ u Biełarusi. Kampanija atrymała ziamielnyja ŭčastki dla zabudovy niekalkich bujnych žyłych kompleksaŭ i biznes-centraŭ. Uładalniki kampanii padtrymlivajuć ciesnyja adnosiny z Alaksandram Łukašenkam i jahonaj siamjoj.

Sankcyi suprać kampanii «Dana Astra» na Zachadzie dziejničajuć z kanca 2020 hoda.

Kamientary da artykuła