Kožny treci minčuk hatovy źjechać ź Biełarusi praz palityku — apytańnie ad uładaŭ
«Kibierpartyzany» atrymali spravazdaču čynoŭnikaŭ ź Minharvykankama ab apytańni haradskich žycharoŭ.
Dakumient, jaki patrapiŭ da «Kibierpartyzanaŭ», byŭ stvorany ŭ červieni 2022 hoda. U spravazdačy čynoŭniki kažuć ab vynikach apytańnia minčan i tłumačać, jak sankcyi ES i SŠA paŭpłyvali na ekanomiku.
Zhodna apytańniu, kožny treci minčuk hatovy źjechać ź Biełarusi nazaŭsiody ci na niekatory čas praz palityku.
«Značnaja častka staličnych žycharoŭ (40%) miarkuje, što adnosiny ŭłady z narodam charaktaryzujucca vostrymi supiarečnaściami», — pišuć čynoŭniki.
Nieabaronienymi ad samavolstva čynoŭnikaŭ ličyć siabie 43% respandentaŭ. Tolki 4% źviazvajuć nadziei na palapšeńnie svajho žyćcia ź miascovymi ŭładami, 8% — z centralnymi, vynikaje z apytańnia.
U ekanamičnym ahladzie aŭtary spravazdačy skardziacca na źnižeńnie VRP (vałavaha rehijanalnaha praduktu) i straty ekspartnaj vyručki minskich pradpryjemstvaŭ.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary