Parłamienckaja frakcyja abjadnańnia «Novaje adzinstva», ad jakoj była vyłučanaja ciapierašniaja premjerka Łatvii Evika Silinia, uniesła ŭ miascovy Siejm prajekt źmieny ŭ Zakon «Ab turyźmie», jakija praduhledžvajuć zabaronu dla pastaŭščykoŭ turystyčnych pasłuh prapanoŭvać i akazvać takija pasłuhi na terytoryi Rasijskaj Fiederacyi i Respubliki Biełaruś, paviedamlaje Delfi.lv.
Zakonaprajekt tyčycca ŭsich zarehistravanych u Łatvii turapierataraŭ. Zabarona na akazańnie imi turystyčnych pasłuh u Rasii i Biełarusi budzie realizavanaja jak častka ŭžo ŭviedzienych mižnarodnych sankcyj i budzie nakiravanaja na praduchileńnie palityčnych i ekanamičnych suviaziaŭ, jakija mohuć spryjać ahresii abo parušeńniam pravoŭ čałavieka.
Meta źmien — źnizić ryzyki mahčymych parušeńniaŭ pravoŭ čałavieka adnosna hramadzian Łatvii, a taksama praduchilić ich udzieł u dziejańniach u intaresach Rasii abo Biełarusi, u tym liku viarboŭku.
«Padarožžy ŭ Rasiju i Biełaruś zaraz źjaŭlajucca pytańniem biaśpieki, jakoje stvaraje prablemy jak dla samich turystaŭ, tak i dla našych słužbaŭ. My nie možam dapuścić, kab turapieratary praciahvali arhanizoŭvać zabaŭlalnyja pajezdki, a našy hramadzianie poŭnymi aŭtobusami jechali ŭ krainy, jakija nie saromiejucca zajaŭlać pra žadańnie akupavać Łatviju.
U minułym hodzie ŭ Rasii i Biełarusi byli aryštavanyja bolš za 30 hramadzian Łatvii, ale mahčymaści našych ustanoŭ dapamahčy im u hetych krainach vielmi abmiežavanyja. My taksama nie možam dapuścić viarboŭki hramadzian. Dziaržava pavinna zrabić usio nieabchodnaje, kab nie tolki harantavać biaśpieku svaich hramadzian, ale i praduchilić mahčymyja pahrozy i škodu», — zajaviŭ deputat Siejma ad «Novaha adzinstva» Hacis Lijepińš.
U spravazdačy Słužby dziaržaŭnaj biaśpieki (SDB) Łatvii za 2024 hod adznačana, što, niahledziačy na nieadnarazovyja zakliki SDB i Ministerstva zamiežnych spraŭ nie jechać u Rasiju, u 2024 hodzie kolkaść padarožnikaŭ u paraŭnańni z 2023 hodam udvaja pavialičyłasia. U minułym hodzie ŭ Rasiju padarožničała štomiesiac u siarednim amal 2000 hramadzian Łatvii.
Ministr unutranych spraŭ Łatvii zaklikaŭ žycharoŭ admovicca ad pajezdak u Biełaruś
«U XX stahodździ ŭžo byŭ vopyt». MZS Biełarusi paraŭnaŭ biełarusaŭ i rasijan u Łatvii ź jaŭrejami ŭ Trecim Rejchu
Biełaruskija pamiežniki znajšli cieła mihranta kala aharodžy z Łatvijaj
«Mnohija hladziać biełaruskija kanały». Cikavy raspovied pra Prydrujsk — viosku ŭ Łatvii nasuprać Drui
Žycharu Łatvii pahražaje ŭ Biełarusi da 10 hadoŭ kałonii pa troch palityčnych artykułach
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary