Biełaruskija VNU spyniać nabor studentaŭ na dziasiatki śpiecyjalnaściaŭ
Pa słovach ministra adukacyi Andreja Ivanca, jahonaje viedamstva praciahvaje pracu pa admovie ad niaprofilnaj padrychtoŭki ŭ biełaruskich univiersitetach. Dziela taho ŭžo z pryjomnaj kampanii hetaha hoda spynicca padrychtoŭka studentaŭ prykładna pa piacidziesiaci śpiecyjalnaściach.
Fota ilustracyjnaje
Robicca heta, jak śćviardžaje ministr, dla taho, kab kožnaja navučalnaja ŭstanova ŭśviedamlała, jakich śpiecyjalistaŭ rychtuje, a taksama ŭ čym śpiecyjalizujecca, dzie maje dobruju navukovuju škołu i prafiesarska-vykładčycki skład.
Akramia taho, Andrej Ivaniec raskazaŭ, što ŭ 2025 hodzie ŭ biełaruskich VNU adkryjucca try novyja śpiecyjalnaści. Novyja napramki studenty zmohuć asvojvać užo z hetaha hoda.
Havorka idzie pra «Intelektualnuju elektroniku», jakaja źjavicca ŭ BDU. U Mahiloŭskim univiersitecie chimičnych i charčovych technałohij adkryjuć śpiecyjalnaść «Charčovaja biaśpieka». Urešcie, na bazie Mahiloŭskaha dziaržaŭnaha ŭniviersiteta studenty zmohuć vyvučać kirunak «Fizičnaja kultura. Vajskova-patryjatyčnaje vychavańnie».
Čytajcie taksama:
U Biełarusi zastałosia ŭsiaho siem pryvatnych škoł
Piedahohami nie zmohuć pracavać tyja, kaho asudzili pa kryminalnaj spravie za «ekstremizm»