Kiraŭnik Ministerstva adukacyi Andrej Ivaniec paviedamiŭ, što na repietycyjny centralizavany ekzamien dla 11-kłaśnikaŭ 8 lutaha pryjšli 55 485 vypusknikoŭ. Heta 98,4% ad kolkaści zarehistravanych.
Amal 30% junakoŭ i dziaŭčat zdavali ruskuju movu, kala 22% — matematyku, a prykładna 11% — bijałohiju.
Ministr nahadaŭ, što patrabavańni da zdačy repietycyjnaha CE amal takija ž, jak na samim ekzamienie. Heta abaviazkovaje najaŭnaść dakumienta, jaki śviedčyć asobu, prybyćcio na miesca ekzamienu za 30 chvilin i losavańnie abituryjentaŭ dla raźmierkavańnia pa aŭdytoryjach.
Kožny abituryjent, jaki prajšoŭ repietycyju CE, zmoža ŭbačyć u siabie ŭ elektronnym kabiniecie skan-kopiju błanka svajho adkazu, paličyć svaje bały, ubačyć acenku.
Troje abituryjentaŭ siońnia nie zmahli zdać CE, tamu što ich vydalili z aŭdytoryj. Usie try vypadki adbylisia ŭ Minsku.
Pryčyny vydaleńnia — roznyja. Tak, budučy vypusknik, jaki zdavaŭ matematyku, mieŭ pry sabie smart-hadzińnik, tamu jaho paprasili pakinuć ekzamien. Jašče adnaho chłopca, jaki zdavaŭ zamiežnuju movu, vydalili za toje, što ŭ jaho była śpisanaja ruka. A adzin školnik, jaki zdavaŭ bijałohiju, spaliŭsia na vykarystańni šparhałki.
Vyniki repietecyjnaha ekzamiena stanuć viadomyja na praciahu 20 dzion.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr1
Kamientary