Na «Kamunarcy» adnoviać vypusk cukierak, papularnych u savieckija časy
Kandytarskaja fabryka «Kamunarka» paviedamiła, što adnaŭlaje vypusk hłazuravanych cukierak «Sielena» z apielsinavym sokam. Cukierki «Sielena» vypuskalisia na «Kamunarcy» ŭ 1970-ch hadach i karystalisia vialikaj papularnaściu.
Fota: kommunarka.by
«Sielena» — heta bujnaja fruktova-hryljažnaja cukierka, hłazuravanaja ciomnym šakaładam, jakaja źmiaščaje apielsinavy sok, naturalnaje jabłyčnaje piure i pražany zdrobnieny arachis.
«Fruktovaja načynka ź jarkim smakam raźmieščanaja pamiž chrabustkimi vafielkami. Ciomny šakaład stvaraje harmaničnaje spałučeńnie horyčy i słodyčy, abramlajučy fruktova-arechavy korpus», — raskazali na fabrycy.
«Dla kahości «Sielena» stanie padstavaj dla pryjemnaj nastalhii pa tych hadach, a chtości raskryje dla siabie niepaŭtorny smak savieckaj receptury. Tolki sioleta vy zmožacie pasprabavać dziŭnuju retracukierku, jakaja zusim chutka źjavicca ŭ firmovych kramach «Kamunarka» i handlovych sietkach», — adznačyŭ vytvorca.
Čytajcie taksama:
«Kamunarka» abjaviła pra pačatak vypusku dubajskaha šakaładu
Z čyrvonaj canoj atrymałasia daražej, čym sa zvyčajnaj. Minčanka kupiła šakaładki i zasmuciłasia
«Kamunarka» vypuściła šakaład z načynkaj z aliŭje FOTAFAKT
«Kamunarka» pakazała svoj advent-kalandar i atrymała chvalu krytyki