Z čyrvonaj canoj atrymałasia daražej, čym sa zvyčajnaj. Minčanka kupiła šakaładki i zasmuciłasia
Volha zaŭvažyła, što ŭ dyskontnaj kramie «Kapieječka» horki šakaład abyšoŭsia daražej, čym u inšych supiermarkietach. Žančyna padzialiłasia z žurnalistami svaim nazirańniem, paraŭnaŭšy ceny na šakaład «Prezident Ekskluziŭ» ad «Kamunarki» ŭ roznych handlovych kropkach, piša Onliner.by.
30 śniežnia 2024 hoda Volha nabyła ŭ kramie «Kapieječka» try šakaładki pa čyrvonaj canie 5 rubloŭ 75 kapiejek za štuku. Na nastupny dzień, vyrašyŭšy paraŭnać košty, žančyna naviedała supiermarkiety «Susiedzi» i «Hipa».
U pieršaj kramie šakaład z 85% kakavy adsutničaŭ, ale košt na anałahičny pradukt z 78% kakavy składaŭ 4 rubli 75 kapiejek. U druhim supiermarkiecie cana šakaładu była tolki na kapiejku vyšej — 4 rubli 76 kapiejek. Dla poŭnaj karciny Volha taksama pravieryła adpusknuju canu na sajcie vytvorcy i ŭpeŭniłasia, što jana składaje 4 rubli 75 kapiejek.
Takim čynam, Volha pryjšła da vysnovy, što zapłaciła na rubiel bolš za kožnuju šakaładku. Minčanka źviartaje ŭvahu na toje, što «Kapieječka» pazicyjanuje siabie jak krama z vyhadnymi cenami, ale čamuści šakaładka tam abyšłasia joj daražej.
Žurnalisty źviarnulisia ŭ «Dabranom» pa hetaj situacyi, ale tam ad kamientaryjaŭ admovilisia i zapeŭnili, što na siońniašni dzień šakaład «Prezident Ekskluziŭ» kaštuje 4,75 rubla.
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno12
Kamientary
Chvatit riekłamirovať eto biezvkusnoje niedorazumienije s palmoj i aromatizatorami, kotoroje zdieś nazyvajut šokoładom.