Dalnabojščyka nie prapuścili ź Biełarusi ŭ Litvu z-za vympieła rasijskaj SPA
Litoŭskija pamiežniki nie ŭpuścili ŭ krainu hramadzianina Rasii, jaki 17 lutaha jechaŭ praź biełaruska-litoŭskuju miažu za rulom hruzavika praz punkt propusku «Miedniki». Reč u tym, što litoŭskija pamiežniki zaŭvažyli ŭ kabinie 38-hadovaha kiroŭcy vympieł rasijskich SPA z hieorhijeŭskaj stužkaj, paviedamlaje Pamiežnaja słužba Litvy.
Fota: vsat.lrv.lt
Zakanadaŭstva Litvy zabaraniaje demanstracyju savieckich simvałaŭ, a taksama simvałaŭ tatalitarnych i aŭtarytarnych režymaŭ. Hieorhijeŭskaja stužka była zabaronienaja ŭ Litvie ŭ krasaviku 2022 jak simvał rasijskaj ahresii suprać Ukrainy.
Fota: vsat.lrv.lt
U vyniku rasijanina aštrafavali na 150 jeŭra pa administracyjnym artykule. Jamu zabaranili ŭjezd u Litvu i viarnuli ŭ Biełaruś.
Čytajcie taksama:
Na biełaruska-polskaj miažy ŭ čatyry razy mienš stali vyjaŭlać kantrabandnyja cyharety
Mocna skaraciłasia kantrabanda cyharet ź Biełarusi ŭ Litvu
Na miažy ź Biełaruśsiu litoŭskija pamiežniki znajšli 25-mietrovy tunel kantrabandystaŭ