U 2024 hodzie pamiežniki kanfiskavali 1 młn 386 tys. 714 pačkaŭ kantrabandnych cyharet, ź ich 1,2 młn — biełaruskaj vytvorčaści, paviedamiła Słužba achovy dziaržaŭnaj miažy (SADM) Litvy.
Adznačajecca, što suma škody dziaržavie ad kantrabandy cyharet skłała amal 5,4 młn jeŭra, a košt kanfiskavanych tytuniovych vyrabaŭ — bolš za 6,1 młn jeŭra.
U 2024 hodzie litoŭskija pamiežniki zatrymali 340 čałaviek za kantrabandu abo niezakonnuju pieravozku padakcyznych tavaraŭ. U 2023 hodzie takich było 447, u 2022-m — 475. Kantrabandu ŭ asnoŭnym pieravozili hramadzianie Litvy, padkreślivaje pamiežnaja słužba.
Adnak ža, pavodle danych SADM, u paraŭnańni z 2023 hodam kolkaść kanfiskavanych pačkaŭ cyharet źmienšyłasia ŭ 1,7 razy (było 2,5 młn pačkaŭ), a ŭ paraŭnańni z 2022-m — bolš čym u try razy (4,3 młn).
Paviedamlajecca, što aharodža vyšynioj piać mietraŭ uzdoŭž miažy i sistema videanazirańnia stali istotnymi pieraškodami dla kantrabandy cyharet. Akramia hetaha, paŭpłyvała zakryćcio pamiežnych punktaŭ ź Biełaruśsiu.
Ź inšaha boku, kantrabanda pašyryła svaje techničnyja mahčymaści: za hod na litoŭska-biełaruskaj miažy pierachoplena 226 pavietranych šaroŭ z cyharetami i 54 bieśpiłotniki.
«Trymali za durnia». Biełaruski kiroŭca raspavioŭ, jak jaho ŭciomnuju vykarystoŭvali dla pieravozki kantrabandy dla polskaj firmy
Na miažy ź Biełaruśsiu litoŭskija pamiežniki znajšli 25-mietrovy tunel kantrabandystaŭ
Litva pieradaść Ukrainie try aŭtamabili, kanfiskavanyja ŭ biełarusaŭ za kantrabandu cyharet
Ciapier čytajuć
Tramp zaprasiŭ Łukašenku ŭvajści ŭ Radu miru pa Hazie38
Kamientary