Viartańnie biełaruskich bijatłanistaŭ na mižnarodnyja spabornictvy zaraz navat nie razhladajecca
Kiraŭnik Mižnarodnaha sajuza bijatłanistaŭ zajaviŭ, što biełarusy i rasijanie nie viernucca, pakul nie skončycca vajna.
Biełaruskaja bijatłanistka Dzinara Smolskaja. Fota: NAK Biełarusi
Prezident IBU Ole Dalin adkazaŭ na pytańnie ab dopusku biełaruskich i rasijskich bijatłanistaŭ da mižnarodnych spabornictvaŭ.
Dalin adznačyŭ, što heta zaraz uvohule nie abmiarkoŭvajecca, piša NRK.
«Ciapier takoje pytańnie navat nie razhladajecca. Ale my spadziajomsia, što hety vajenny kanflikt skončycca, bo Rasija i Biełaruś — dźvie vielmi važnyja bijatłonnyja nacyi», — skazaŭ Dalin.
Biełaruskija i rasijskija bijatłanisty byli adchileny ad udziełu va ŭsich mižnarodnych spabornictvach pad ehidaj IBU paśla pačatku poŭnamaštabnaj vajny. Ciapier spartsmieny dźviuch krain udzielničajuć vyklučna ŭ biełaruska-rasijskich spabornictvach. A biełaruskija čynoŭniki robiać vyhlad, što hetyja turniry ni ŭ čym nie sastupajuć Kubku śvietu, abo čempijanatu śvietu pa bijatłonie, jaki zaraz prachodzić u Šviejcaryi.
Čytajcie taksama:
Ole-Ejnar Bjorndalen bolš nie rekardsmien pa pieramohach na čempijanatach śvietu
Na trasie ŭ Raŭbičach zaŭvažyli muža Darji Domračavaj VIDEA
Biełaruskija bijatłanisty prapuściać spabornictvy dziela ŭdziełu ŭ vybarach
Biełaruskich kańkabiežcaŭ dapuścili da alimpijskaj kvalifikacyi ŭ niejtralnym statusie