Ministr sportu ličyć mižsabojčyk biełaruskich i rasijskich bijatłanistaŭ u Raŭbičach alternatyŭnym čempijanatam śvietu. I voś čamu
U Raŭbičach pad Minskam siońnia pačaŭsia bijatłonny turnir pad ambicyjnaj nazvaj «Kubak najmacniejšych». Jon pryznačany na tyja ž terminy, što i čempijanat śvietu ŭ šviejcarskim Lencerchajde, i arhanizatary biez asablivaj ścipłaści pazicyjanujuć jaho jak hodnuju alternatyvu hetym spabornictvam.
Čamu spabornictvy, choć u ich udzielničajuć spartsmieny tolki dźviuch krain, Biełarusi i Rasii, ničym nie horšyja za čempijanat śvietu, patłumačyŭ ministr sportu i turyzmu Siarhiej Kavalčuk, adkazvajučy na pytańnie rasijskaha vydańnia Sputnik:
«Dumaju, što tak — adnaznačna. Tamu što my vybudavali takuju ž prahramu: sprynt, honka pieraśledu, indyvidualnaja honka, estafiety dźvie, potym honka z masavym startam. Praktyčna paŭtareńnie [prahramy spabornictvaŭ na ČS], za vyklučeńniem chiba što kłasičnaj estafiety. A ŭsie astatnija honki — heta faktyčna čempijanat śvietu».
Padzialaje dumku ministra i słavutaja ŭ minułym biełaruskaja spartsmienka Darja Domračava, jakaja taksama prysutničaje na hetych spabornictvach. Praŭda, jana, u adroźnieńnie ad jaho, bačyć tut i adzin nieistotny niuans, jakija «Kubak najmacniejšych» ad čempijanata śvietu krychu adroźnivajuć:
«Ja liču, heta pazityŭny momant, što kalandar našych spabornictvaŭ maksimalna nabližany da mižnarodnych startaŭ. […] Ale, viadoma, heta nie taja ščylnaść… paraŭnoŭvać vielmi składana. Kankurencyja i ščylnaść baraćby — heta, napeŭna, asnoŭny momant, jaki adroźnivaje hetyja turniry».
Pravodziać na dvaich svoj ułasny «čempijanat śvietu» zamiest udziełu ŭ sapraŭdnym bijatłanisty ź Biełarusi i Rasii z-za taho, što jašče ŭ 2022 hodzie Mižnarodny sajuz bijatłanistaŭ adchiliŭ spartsmienaŭ ź dźviuch krain ad udziełu ŭ spabornictvach pad svajoj ehidaj z-za raźviazvańnia Rasijaj poŭnamaštabnaj vajny suprać Ukrainy pry padtrymcy z boku režymu Łukašenki.
Ole-Ejnar Bjorndalen bolš nie rekardsmien pa pieramohach na čempijanatach śvietu
Na trasie ŭ Raŭbičach zaŭvažyli muža Darji Domračavaj VIDEA
Biełaruskija bijatłanisty prapuściać spabornictvy dziela ŭdziełu ŭ vybarach
Biełaruskich kańkabiežcaŭ dapuścili da alimpijskaj kvalifikacyi ŭ niejtralnym statusie
Kamientary