Biełaruskija bijatłanisty prapuściać spabornictvy dziela ŭdziełu ŭ vybarach
Bijatłanistaŭ zbornaj adklikali ŭ Biełaruś, jany nie buduć udzielničać u honkach Kubka Rasii ŭ subotu i niadzielu.
Bijatłanisty zbornaj Biełarusi prapuściać subotnija i niadzielnyja honki ŭ miežach čempijanatu i Kubka Rasii ŭ Jarasłaŭskaj vobłaści.
Spartoŭcy pajeduć na radzimu, ale ź niespartyŭnaj zadačaj: uziać udzieł u vybarach. Biełarusy nie vystupiać u spryntarskich honkach i mas-startach.
«Biełarusy adpraŭlajucca vybirać prezidenta krainy, i my ich nie ŭbačym u bližejšyja vychadnyja», — paviedamlaje «Matč TV».
Pra toje, što z-za vybaraŭ daviadziecca prapuskać honki, raniej raskazvała bijatłanistka Hanna Soła.
«U nas zaraz iduć vybary, nie viedaju, ci paśpiejem pałasavać, mahčyma, daviadziecca prapuskać honki, kab jechać hałasavać. Ale naš prezident skazaŭ, što najlepšy hołas — heta finiš ź ściaham», — kazała bijatłanistka paśla pieramohi na etapie Kubka Rasii.
Nahadajem, paśla pačatku paŭnamaštabnaj vajny zbornaja Biełarusi była adchilena ad usich mižnarodnych spabornictvaŭ pa bijatłonie pad ehidaj Mižnarodnaha sajuza bijatłanistaŭ. Kiraŭnictva IBU zajmaje žorstkuju pazicyju: tam nieadnarazova zajaŭlali, što biełarusaŭ viernuć na Kubak śvietu tolki paśla zakančeńnia vajny.
Apošnija niekalki hadoŭ zbornaja Biełarusi ŭdzielničaje tolki ŭ sumiesnych spabornictvach z rasijanami, jakich taksama adchilili ad mižnarodnych startaŭ.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary