Padaču vady ŭ Asipovičach paśla načnoj avaryi adnavili

Vodazabieśpiačeńnie ŭ Asipovičach adnavili, paviedamiła ŭ 14:30 miascovaja hazieta «Asipovicki kraj». Ciaham dnia budzie pravodzicca chłaravańnie i zabor prob vady dla kantrolu jakaści.

Fota ilustracyjnaje

Pra avaryju na sietcy vodazabieśpiačeńnia horada Asipovičy, jakaja adbyłasia 19 lutaha kala pałovy treciaj nočy ŭ rajonie vulicy Kalinina, dom 39, paviedamiŭ staršynia Asipovickaha rajvykankama Andrej Dubinčyk u zvarocie, apublikavanym miascovaj rajonnaj hazietaj.

Łakalizacyja miesca paškodžańnia ŭskładniałasia praz pramierzłaść hruntu, rastłumačyli ŭ miascovym vodakanale. Da 9-j ranicy słužby pavinny byli padklučyć i druhi vodazabor «Paŭdniovy». U horadzie taksama arhanizavali dastaŭku vady cysternami.

Praź niekatory čas u MNS paviedamili, što na momant praviadzieńnia ramontnych rabot spyniena padača vady 16 tysiačam spažyŭcoŭ i 78 abjektam ekanomiki horada. Ciepłazabieśpiačeńnie nie parušana, arhanizavany padvoz vady, pra što ludziam paviedamili šlacham SMS-rassyłki.

U 10:30 u MNS zajavili, što miesca praryvu trubapravoda łakalizavanaje. Pačalisia ramontnyja raboty dla adnaŭleńnia vodazabieśpiačeńnia.

Usiaho horad zastavaŭsia biez vady 11 hadzin.

Kamientary da artykuła