Staršynia Asipovickaha rajvykankama Andrej Dubinčyk raskazaŭ, što «nadzvyčajnaje zdareńnie na sietcy vodazabieśpiačeńnia horada Asipovičy» adbyłosia nočču kala 02:30.
Na miesca zdareńnia vyjechali supracoŭniki MNS, a taksama rabotniki asipovickaha i babrujskaha vodakanałaŭ.
«Dla łakalizacyi avaryi było adklučana vodazabieśpiačeńnie z paŭnočnaha i paŭdniovaha vodazaboraŭ horada. Na dadzieny momant paŭnočny vodazabor padklučajecca da vodazabieśpiačeńnia. Padklučeńnie paŭdniovaha vodazabora čakajecca da 9-j hadziny», — zapisaŭ rankam videazvarot Dubinčyk.
Pavodle słoŭ hałoŭnaha inžyniera filijała «Babrujskvodakanał» Stanisłava Paŭłoŭskaha, likvidavać avaryju niaprosta, bo ziamla pramierzła i ciažka znajści miesca, dzie dakładna adbyŭsia praryŭ.
Pa horadzie jeździać cysterny ź pitnoju vadoju.
Kamientary