Paśla viartańnia ŭ Biełaruś aryštavali Vieraniku Žałuboŭskuju — ściuardesu Katarskich avijalinij, aktrysu i madel
Dziaŭčynu abvinavačvajuć va ŭdziele ŭ pratestach u 2020 hodzie.
Vieranika Žałuboŭskaja. Fota ź jaje staronki «Ukantakcie»
Vieranicy Žałuboŭskaj 29 hadoŭ. Jana ź Minska. Skončyła minski licej №1, a paśla advučyłasia ŭ Minskim dziaržaŭnym Linhvistyčnym univiersitecie, jaki skončyła ŭ 2017 hodzie. Miarkujučy pa ankiecie, adnačasova vučyłasia ŭ Biełaruskaj dziaržaŭnaj akademii mastactvaŭ.
U 2016 hodzie dziaŭčynu pryznali pieramožcaj staličnaha konkursu «ViełaMis». Dziaŭčyna tady raskazała, što vielmi lubić katacca, i ličyć, što ŭznaharoda całkam zasłužanaja.
Vieranika Žałuboŭskaja. Fota ź jaje fejsbuka
Paśla skančeńnia MDŁU Vieranika adpracavałatry hady ściuardesaj u Katarskich avijalinijach. Jašče adno zachapleńnie Vieraniki — madelinh i akciorstva. Jana źniałasia ŭ epizadyčnych rolach u čatyroch filmach pad psieŭdanimam Vieranika Bruśnikina i supracoŭničała z mnostvam madelnych ahienctvaŭ.
Apošniaje fota ŭ sacsietki dziaŭčyna vykłała 18 listapada 2024 hoda z Turcyi. Paśla hetaha jana pajechała ŭ Biełaruś — imavierna, tady jaje i zatrymali.
U telehramie jana daŭno nie źjaŭlałasia anłajn, a sacsietki ź listapada nieaktyŭnyja. Imavierna, ciapier dziaŭčyna ŭ SIZA.
Vieranika Žałuboŭskaja. Fota ź jaje staronki «Ukantakcie»
Sud nad Vieranikaj Žałuboŭskaj pačniecca 4 sakavika 2025 hoda ŭ sudzie Frunzienskaha rajona Minska. Sudziać jaje pa «narodnym» artykule — č. 1 art. 342 KK. Joj pahražaje da troch hadoŭ kałonii.
Čytajcie taksama:
Što novaha praviarajuć u telefonach na miažy pry viartańni ŭ Biełaruś