U Biełarusi vyvodziać novuju parodu karoŭ. Abiacajuć unikalnaje małako

Pahałoŭje novaj parody ŭžo testujuć u niekalkich rajonach krainy. Kančatkovaje vyviadzieńnie płanujecca da 2030 hoda.

Fota: STB

U Biełarusi vyvodziać novuju parodu karoŭ. Čakajecca, što jana budzie davać bolš małaka, a samo małako budzie nadzielena ŭnikalnymi ŭłaścivaściami.

Ułasnaje pahałoŭje testujuć u čatyroch rajonach krainy, raskazaŭ STB namieśnik hienieralnaha dyrektara Navukova-praktyčnaha centra NAN Biełarusi pa žyviołahadoŭli Alaksandr Budzievič.

«U hetaj parody i mienš zachvorvańniaŭ vymia, i mienš ciarpić kapytny roh, adroźnivajecca małako pa najaŭnaści białku, tłušču. Plus hetaje małako bolš moža vykarystoŭvacca ŭ syrarobstvie. Taksama hetyja hienatypy adroźnivajucca jašče pa adnym faktary — lepšaja pieratraŭlalnaść u peŭnaj stupieni. Jość takija hienatypy, u jakich małako lepšaje. Tamu ich treba adbirać i dalej vykarystoŭvać u sielekcyi ŭ našaj krainie», — raskazaŭ Budzievič.

Zakončyć vyviadzieńnie «čyrvonaj» parody navukoŭcy płanujuć da 2030 hoda.

Kamientary da artykuła