Sud abaviazaŭ žančynu pradać svaje čatyry karovy kałhasu pad Homielem
U Homielskim rajonie sud vyrašyŭ zabrać u žančyny čatyroch karoŭ, bo jana kiepska ich dahladała. Žyvioł pieradaduć miascovamu sielhaspradpryjemstvu — KSUP «Uryckaje», a haspadyni vypłaciać kampiensacyju.
Pavodle infarmacyi pres-słužby Homielskaha abłasnoha suda, žančyna trymała karoŭ u ciesnym i brudnym chlavie, kiepska karmiła, nie davała im dastatkova vady i nie vyvodziła hulać.
Da taho ž akazałasia, što ŭ jaje naohuł niama ziamli i mahčymaści abstalavać narmalny chleŭ dla ŭtrymańnia žyvioły. Toj chleŭ, dzie karovy žyli, pabudavany niezakonna na čužoj ziamli — jakraz na toj, jakaja naležyć miascovamu ahrapradpryjemstvu.
Raniej, u mai 2024 hoda, žančynu ŭžo štrafavali za žorstkaje abychodžańnie z žyviołami, a vietstancyja patrabavała, kab jana vypraviła situacyju. Ale žančyna ničoha nie zrabiła. Susiedzi taksama skardzilisia na toje, jak jana abychodzicca z karovami.
Kałhas prapanoŭvaŭ žančynie vykupić u jaje žyviołu, ale taja admoviłasia. Tady pradpryjemstva źviarnułasia ŭ sud.
Sud vyrašyŭ, što žančyna sapraŭdy žorstka abychodzicca z žyviołami i pastanaviŭ zabrać u jaje čatyry karovy. KSUP «Uryckaje» pavinna vypłacić joj za ich 2 810,89 rubla.
Žančyna sprabavała asprečyć rašeńnie suda, ale abłasny sud pakinuŭ jaho ŭ sile.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary