«Biełtelekam» z 1 sakavika pavyšaje košt niekatorych pasłuh
«Biełtelekam» uvodzić z 1 sakavika novyja taryfy dla klijentaŭ, jakija karystajucca pasłuhami jahonych zaradnych stancyj. Navina aktualnaja jak dla fizičnych asob, tak i dla biznesu.
Fota ilustracyjnaje
Abnoŭlenyja ceny pačnuć dziejničać, kali ŭładalniki elektrakaraŭ stanuć karystacca zaradnymi stancyjami Evika!.
Za 1 kVt·h (z ulikam PDV) na zaradnaj stancyi ad «Biełtelekam» treba budzie addać 43 kapiejki. Dla jurydyčnych asob i IP budzie źnižka — jany płaciać 36 kapiejek. Takija rascenki tyčacca tych, chto zaradžaje svoj transpart pieramiennym tokam. Ciapier hetaja pasłuha kaštuje 40 kapiejek.
Akramia taho, z 1 sakavika źmienicca košt zaradki elektramabila pry dapamozie pastajannaha toku. U takim vypadku zvyčajnamu kiroŭcu daviadziecca zapłacić 56 kapiejek, a biznesu — 47 kapiejek.
Čytajcie taksama:
U Biełarusi zapuścili piać novych telekanałaŭ
Machlary prapanujuć pasiŭny zarobak ad «Biełtelekama»
Apierataram sotavaj suviazi nie dazvolać pavyšać ceny na pasłuhi