Apieratar «Biełtelekam» zapuściŭ novuju pasłuhu dla svaich abanientaŭ. Pasłuha «Kredyt davieru» źjaviłasia ŭ adkaz na pažadańni karystalnikaŭ. Ciapier navat pry admoŭnym bałansie možna zastavacca na suviazi i karystacca pasłuhami. Adnak isnuje abmiežavańnie pa sumie zapazyčanaści — 80 rubloŭ.
«Kredyt davieru» dastupny abanientam nastupnych pasłuh z avansavaj formaj apłaty:
- dostup u sietku byfly na taryfnych płanach sa chutkaściu 200 Mbit/s i vyšej;
- «Videakantrol» na taryfach «Videakantrol Dom» i «Videakantrol Dom łajt»;
- pakiety pasłuh na taryfach sa chutkaściu pieradačy dadzienych na pryjom 200 Mbit/s i bolš abo na taryfach sa chutkaściu pieradačy dadzienych 100 Mbit/s z dadatkovymi pasłuhami i servisami (dostup da anłajn-kinateatraŭ, «Videakantrol», «Razumny dom»).
Śpiecyjalisty adznačajuć, što pry dasiahnieńni admoŭnaha bałansu ŭ minus 80 rubloŭ dostup budzie zabłakavany.
Paśla papaŭnieńnia rachunku da stanoŭčaha značeńnia abanienty zmohuć znoŭ karystacca internetam.
Jak padklučyć «Kredyt davieru»?
Zrabić heta možna ŭ servisnych centrach, u kabiniecie karystalnika abo praz prykładańnie «Moj Biełtelekam». Košt pasłuhi składaje 1 rubiel u miesiac.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary