«Белтэлекам» з 1 сакавіка павышае кошт некаторых паслуг
«Белтэлекам» уводзіць з 1 сакавіка новыя тарыфы для кліентаў, якія карыстаюцца паслугамі ягоных зарадных станцый. Навіна актуальная як для фізічных асоб, так і для бізнэсу.
Фота ілюстрацыйнае
Абноўленыя цэны пачнуць дзейнічаць, калі ўладальнікі электракараў стануць карыстацца зараднымі станцыямі Evika!.
За 1 кВт·г (з улікам ПДВ) на зараднай станцыі ад «Белтэлекам» трэба будзе аддаць 43 капейкі. Для юрыдычных асоб і ІП будзе зніжка — яны плацяць 36 капеек. Такія расцэнкі тычацца тых, хто зараджае свой транспарт пераменным токам. Цяпер гэтая паслуга каштуе 40 капеек.
Акрамя таго, з 1 сакавіка зменіцца кошт зарадкі электрамабіля пры дапамозе пастаяннага току. У такім выпадку звычайнаму кіроўцу давядзецца заплаціць 56 капеек, а бізнэсу — 47 капеек.
Чытайце таксама:
У Беларусі запусцілі пяць новых тэлеканалаў
Махляры прапануюць пасіўны заробак ад «Белтэлекама»
Аператарам сотавай сувязі не дазволяць павышаць цэны на паслугі