Pad novyja sankcyi ES trapili dva biełaruskija banki
Infarmacyju pra heta ŭ zajavie Jeŭrakamisii zaŭvažyŭ Reform.
Abmiežavańni 16-ha pakieta sankcyj Jeŭrasajuza suprać Rasii zakranuli i dva banki ŭ Biełarusi, adznačajuć žurnalisty.
U sankcyjny śpis trapili Biełhazprambank i Bank BiełVEB.
Tak atrymałasia praz toje, što banki vykarystoŭvali SPFS (sistemu pieradačy finansavych paviedamleńniaŭ). Heta rasijski anałah SWIFT, jaki vykarystoŭvajuć dla abychodu sankcyj.
U zajavie Jeŭrakamisii skazana, što banki karystalisia SPFS z «vidavočnym namieram abychodzić našy miery».
ES pryniaŭ čarhovy pakiet sankcyj u hadavinu poŭnamaštabnaha rasijskaha ŭvarvańnia va Ukrainu. U jaho trapili 48 fizičnych i 35 jurydyčnych asobaŭ, adkaznych za dziejańni, jakija padryvajuć abo pahražajuć terytaryjalnaj cełasnaści i suvierenitetu Ukrainy.