ES pryniaŭ 16-ty pakiet sankcyj suprać Rasii. 13 bankaŭ adklučyli ad SWIFT
Sankcyi ŭviedzienyja suprać 48 fizičnych i 35 jurydyčnych asobaŭ, adkaznych za dziejańni, jakija padryvajuć abo pahražajuć terytaryjalnaj cełasnaści i suvierenitetu Ukrainy.
Pad abmiežavańni trapili 74 tankiery cieniavoha fłotu RF, jakija pieravoziać rasijskuju naftu ŭ abychod sankcyj. Taksama ES pašyryŭ śpis zabaronienych tavaraŭ, jakija spryjajuć technałahičnamu raźvićciu abaronna-pramysłovaha kompleksu Rasii — u jaho patrapili ŭ tym liku «kantrolery, jakija vykarystoŭvajucca dla kiravańnia BPŁA».
Sankcyi raspaŭsiudžvajucca i na hulniavyja prystaŭki, bo ź ich dapamohaj možna kiravać dronami, zajaviła kiraŭnik jeŭrapiejskaj dypłamatyi Kaja Kałas.
13 rasijskich bankaŭ adklučanyja ad apłatnaj sistemy SWIFT.
Taksama ŭ Jeŭropie zabaranili viaščańnie vaśmi miedyja, «jakija znachodziacca pad pastajannym kantrolem rasijskaha kiraŭnictva», u tym liku Lenta.ru, telekanała Minabarony «Źviezda» i EADaily.
Taksama ŭviedzienyja sankcyi suprać i Biełarusi.
«Siońniašni pakiet uklučaje ŭ siabie dadatkovyja abmiežavalnyja miery ŭ dačynieńni da Biełarusi, jakija paŭtarajuć handlovyja sankcyi, uzhodnienyja suprać Rasijskaj Fiederacyi, a taksama inšyja miery, takija jak abmiežavańni, jakija tyčacca prodažu ci pradastaŭleńnia pasłuh i prahramnaha zabieśpiačeńnia, depazitaŭ i kašalkoŭ dla kryptavalutnych aktyvaŭ, a taksama transpartu. Akramia taho, Rada ŭviała novy kryter uklučeńnia ŭ śpis, naceleny na asob, arhanizacyi i orhany, jakija padtrymlivajuć abo atrymlivajuć vyhadu ad vajenna-pramysłovaha kompleksu Biełarusi», — havorycca ŭ zajavie ES
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Kamientary