U Litvie cyharetnych kantrabandystaŭ zatrymlivali z pahoniaj i stralaninaj
U Druskienikskim rajonie Litvy kantrabandysty pasprabavali źbiehčy ad pamiežnikaŭ i źbili adnaho ź ich, ale paciarpieły aficer, niahledziačy na ranieńni, zdoleŭ spynić złačyncaŭ, piša Delfi.lt.
Unačy kala vioski Šandubra pamiežniki zaŭvažyli mašynu VW Passat pobač ź miescam, dzie pryziamliŭsia mieteazond z kantrabandnymi cyharetami ź Biełarusi.
Kantrabandysty zahruzili ŭ mašyny tavar i pasprabavali adtul pajechać. Pamiežniki stali ich pieraśledavać, i padčas pahoni parušalniki ŭrezalisia ŭ darožny znak. A kali adzin z pamiežnikaŭ vyjšaŭ z mašyny, to aŭtamabil kantrabandystvaŭ źbiŭ jaho zadnim chodam.
Niahledziačy atrymanyja traŭmy, aficer usio ž zdoleŭ strelić pa kole aŭtamabila i zatrymać kiroŭcu, a jahony kaleha tym časam zatrymaŭ druhoha pasažyra.
U zatrymanaj mašynie było 1,5 tysiačy pačkaŭ biełaruskich cyharet, a zatrymanyja mužčyny — 32-hadovy i 33-hadovy žychary horada Alita.
Čytajcie taksama:
U Polščy mieteazond z cyharetami ź Biełarusi prabiŭ dach doma
U Kłajpiedzie zatrymali biełarusa z cyharetami na 2 miljony jeŭra
U Litvie zatrymali bujnuju partyju kantrabandnych biełaruskich cyharet