«Ulik nadoju». Rasijski bank sprabuje chitra abyści sankcyi — jon zamaskiravaŭsia pad dadatak dla dajarak

Raśsielhasbank trapiŭ pad sankcyi jašče ŭ 2022 hodzie, jahonyja mabilnyja dadatki byli vydalenyja z kram. Ale ŭ banku znajšli rašeńnie, jak viarnucca na ajfony.

Skrynšot: «Padjom»

U kramie mabilnych prahram AppStore źjaviŭsia servis dla dajarak «Ulik nadoju». Jak akazałasia, heta dadatak Raśsielhasbanka, jaki takim čynam sprabuje abyści sankcyi.

U vodhukach na «Ulik nadoju» ludzi pišuć, što heta vydatny mabilny dadatak dla fiermy, jaki pracuje biez zaŭvah. U Raśsielhasbanku nie chavajuć, što heta ich raspracoŭka, piša «Padjom».

«Ulik nadoju» — novy mabilny dadatak Raśsielhasbanka dla karystalnikaŭ iOS. Papiaredniaja viersija mabilnaha banka była vydalenaja z kramy mabilnych prahram kampanijaj Apple u kastryčniku 2024 hoda. Dadatak dazvolić novym klijentam zastavacca na suviazi z bankam, atrymlivać rehularnyja abnaŭleńni i puš-apaviaščeńni, a taksama z kamfortam karystacca servisami banka na iOS-pryładach. Prahramy, ustanoŭlenyja raniej, pracujuć u štatnym režymie na ŭsich pryładach apieracyjnaj sistemy iOS», — zajavili ŭ banku.

Raśsielhasbank trapiŭ pad sankcyi ZŠA, ES, Vialikabrytanii i inšych krain jašče ŭ 2022 hodzie. Bank byŭ adklučany ad sistemy SWIFT, a jahonyja mabilnyja prahramy vydalajucca z kram na iOS i Android.

Kamientary da artykuła