U Biełaruś sprabavali ŭvieźci kakain, raźviedzieny ŭ vinie
Namieśnik načalnika Homielskaj mytni Alaksiej Huńko paviedamiŭ, što za 2024 hod jahonym viedamstvam było vyjaŭlena bolš za 15 faktaŭ niezakonnaha abarotu narkatyčnych srodkaŭ i psichatropaŭ. Siarod ich byli i dastatkova ekzatyčnyja pavodle zadumy, piša BiełTA.
Zdymak ilustracyjny. Fota: freepik.com
Alaksiej Huńko raskazaŭ vypadak, kali žychary Homielskaha rajona sprabavali pravieźci partyju kakainu pad vyhladam vina.
Narkotyk byŭ rastvorany ŭ ałkaholnym napoi. Pa słovach rabotnikaŭ viedamstva, vonkava tara nijak nie adroźnivałasia ad zavodskaj — zakarkavanaja, na etykietkach paznačany vytvorca.
Padčas praviadzieńnia pracesualnych dziejańniaŭ, kab paźbiehnuć pakarańnia, parušalniki raźbili jomistaści, adnak pa vynikach ekśpiertyzy ŭsio adno była paćvierdžana najaŭnaść u ich źmieścivie narkotyku.