U Iŭi źbirajucca pastavić pomnik pamidoru
Iŭjeŭski rajvykankam abjaviŭ konkurs eskiznych prajektaŭ pomnika pamidoru. Zajaŭlajecca, što arhanizatary majuć namier znajści najbolš vyraznaje rašeńnie dla adlustravańnia vobrazu brendavaha śviata «Iŭjeŭski pamidor», jaki staŭ užo vizitnaj kartkaj rajona.
Fota ilustracyjnaje
Płanujecca, što pomnik brendavaj dla Iŭja harodninie pastaviać na bierazie haradskoj sažałki.
Paŭdzielničać u konkursie mohuć asobnyja aŭtary ci aŭtarskija kalektyvy skulptaraŭ i architektaraŭ, a taksama hramadzianie Biełarusi, jakija nie majuć śpiecyjalnaj adukacyi. Vitajecca ŭdzieł jak kalektyvaŭ navučalnych ustanoŭ, tak i asobnych navučencaŭ, studentaŭ, nastaŭnikaŭ i vykładčykaŭ.
Zajaŭki na ŭdzieł i eskiznyja prajekty prymajucca da 1 krasavika 2025 hoda na elektronnuju poštu redakcyi haziety «Iŭjeŭski kraj»: pressa.ik@ivyenews.by.
Čytajcie taksama:
Staryja mohiłki ŭ Słucku razburajuć čas i vandały, ale achoŭvać ich nie źbirajucca
Stała viadoma, što zrobiać ź jaŭrejskimi nadmahillami i frahmientami bramy, znojdzienymi ŭ Minsku
Na adnu z najstarejšych cerkvaŭ Kapylskaha rajona pastavili załatuju cybulinu i ruskija kakošniki