Pačaŭsia zbor zajavak na premiju Alesia Adamoviča. Sioleta koła pretendentaŭ pašyranaje

Biełaruski PEN abviaściŭ start pryjomu zajavak na premiju imia Alesia Adamoviča za tvory, vydadzienyja ŭ 2024 hodzie. Kali vy viedajecie tvory, što adkryvajuć vostryja temy, zadajuć pytańni času i ŭpłyvajuć na hramadskuju dyskusiju, — hetaja ŭznaharoda čakaje ich!

Sioleta premija vyjšła za miežy knižnych staronak. Da razhladu prymajucca:

• Knihi
• Artykuły ŭ miedyja
• Padkasty
• Kina– i videaprajekty

Asnoŭnaje patrabavańnie — tvor musić być apublikavany ŭ 2024 hodzie i być pryśviečany aktualnym prablemam sučasnaści.

Padrabiaznaści možna pačytać u Statucie i Rehłamiencie premii. 

Prava naminavać tvory, što adpaviadajuć metam premii, majuć tolki siabry Biełaruskaha PENa.

Dla ŭdziełu ŭ konkursie adsutničajuć abmiežavańni dla aŭtaraŭ tvoraŭ pavodle ŭzrostu, hramadzianstva, miesca žycharstva i miesca publikacyi tvoraŭ.

Dedłajn: 24 sakavika 2025 hoda (23:59 biełaruskaha času)

Premija nosić imia Alesia Adamoviča — piśmieńnika i hramadskaha dziejača, jaki słovam zmahaŭsia za svabodu i spraviadlivaść. Siońnia hetaja baraćba praciahvajecca. Naminavanyja tvory mohuć stać častkaju historyi.

Kamientary da artykuła