Sielotnim pieramožcam premii Aniempadystava stała kniha Nasty Kudasavaj i Śviatłany Dziemidovič
25 kastryčnika ŭ Bielsku Padlašskim u Polščy padčas fiestyvalu «Bardaŭskaja vosień» prajšła cyrymonija ŭznaharodžańnia premijaj Michała Aniempadystava za najlepšuju vokładku knihi, vydadzienaj u 2023 hodzie. Pieramožcami stali Śviatłana Dziemidovič i Łukaš Levandoŭski za vokładku knihi Nasty Kudasavaj «Pobač», paviedamlaje Biełaruski PEN.
Premija Dziemidovič i Levandoŭskamu prysudžanaja
«za hrafičnaje adlustravańnie pačućciaŭ, što my pieražyvajem, i ŭvasableńnie paetyčnaha śvietu ŭ admietnych vizualnych vobrazach».
Sioleta na premiju za najlepšuju knižnuju vokładku naminavałasia 37 knih. U karotki śpis žury abrała 9 vokładak:
- Kaciaryna Pikirenia — vokładka knihi «Antałohija paetak: vybranaje Valžynaj Mort»
- Siarhiej Šabochin — vokładka knihi Zinaidy Bandarynaj «Da novaha zaŭtra»
- Anatol Łazar — vokładka knihi Alesia Razanava «Z małankaju ŭ sercy»
- Kaciaryna Pikirenia — vokładka knihi Meira Šaleva «Za siniaj haroj»
- Adam Paŭłoŭski — vokładka knihi Andreja Ściepaniuka «Ziamla nad biełaj rakoj»
- Śviatłana Dziemidovič, Łukaš Levandoŭski — vokładka knihi Nasty Kudasavaj, Śviatłany Dziemidovič «Pobač»
- Siarhiej Šabochin — vokładka knihi Jaŭhienii Pflaŭmbaŭm «Sonca»
- Siarhiej Šamatulski — vokładka knihi Siarhieja Leskiecia «Šept»
- Artur Kamaroŭski, Ksienija Štalankova — vokładka knihi Artura Kamaroŭskaha «Corpus Vile»
Karotki śpis abiraŭsia rejtynhavym hałasavańniem: siabry žury aceńvali kožnuju vokładku pa dziesiacibalnaj škale, adznaki sumavalisia.
Premija była zasnavanaja ŭ 2019 hodzie ŭ pamiać pra čałavieka mnohich talentaŭ — mastaka, paeta, fatohrafa, dyzajniera, publicysta, kulturołaha Michała Aniempadystava.
Pieršym pieramožcam premii staŭ Hryhoryj Kacnelson za vokładku knihi «Vilenski pokier» Ryčarda Havialisa. 2022 hod staŭ pieršym, kali premija prachodziła nie ŭ Biełarusi. Pieramožcam tady staŭ dyzajnier Anatol Łazar, jaki stvaryŭ vokładku knihi «(Nie)rasstralanyja» pra biełaruskich kulturnych dziejačaŭ — achviar stalinskich represij. Uznaharodu minułaha hoda atrymali dyzajnierka Jana Hałuškina i ličbavy archiŭ Veha.
Adrodžanuju premiju «Za svabodu dumki» atrymaŭ viadomy muzyčny hurt
Staŭ viadomy šort-list litaraturnaj Premii Ježy Hiedrojcia. Chto trapiŭ u vynikovuju šaściorku?
Abvieščanyja poŭnyja śpisy naminantaŭ premii imia Natalli Arsieńnievaj za 2022 i 2023 hady
Palitźniavoleny Maksim Znak trapiŭ u šort-list premii Centra Vacłava Haveła
Načalnik milicyi Brahina stralaŭ u svaju žonku. Jana cudam vyžyła9
Kamientary