Nakiravać miratvorčyja vojski va Ukrainu hatovaja «značnaja kolkaść» krain
«Značnaja kolkaść» krain hatovyja pasłać miratvorčyja vojski va Ukrainu ŭ vypadku mirnaha pahadnieńnia z Rasijaj. Pra heta paviedamiŭ 17 sakavika pradstaŭnik premjer-ministra Vialikabrytanii Kira Starmiera, piša Reuters.
Premjer-ministr Vialikabrytanii Kir Starmier 15 sakavika 2025 hoda. Fota: Leon Neal/Pool Photo via AP
Pavodle pradstaŭnika Kira Starmiera, u tak zvanuju «kaalicyju achvotnych» dla padtrymki Ukrainy ŭvojduć bolš za 30 krain.
«Unioski buduć roznymi, ale heta budzie značnaja siła, i značnaja kolkaść krain vystavić vojski», — adznačyŭ pradstaŭnik.
Na pytańnie, ci zmohuć miratvorčyja vojski adkazvać ahniom u vypadku napadu, pradstaŭnik zajaviŭ, što zaraz pravodziacca vajskovyja narady dla abmierkavańnia hetych detalaŭ.
Premjer-ministr Vialikabrytanii Kir Starmier 15 sakavika pravioŭ virtualnuju sustreču ź lidarami Jeŭropy i inšych krain, kab atrymać padtrymku kaalicyi. 20 sakavika u Vialikabrytanii adbuducca pieramovy vajskovych stratehaŭ adnosna harantyj pieramirja.
Na zaŭvahu pra toje, što Rasija nie prymie jeŭrapiejskich miratvorcaŭ va Ukrainie, pradstaŭnik Starmiera adkazaŭ:
«Varta pamiatać, što Rasija nie pytałasia dazvołu ŭ Ukrainy, kali raźmiaščała paŭnočnakarejskija vojski na froncie letaś».
Čytajcie taksama:
Rasija patrabuje «žalezabietonnych harantyj» nieŭstupleńnia Ukrainy ŭ NATA
Kolkaść miratvorcaŭ va Ukrainie moža skłaści bolš za 10 tysiač čałaviek
U Kramli da idei pieramirja staviacca vielmi skieptyčna — Bild
Patencyjnyja patrabavańni Rasii na pieramovach uklučajuć «demantaž kijeŭskaha režymu»