Pavodle infarmacyi Bild, atrymanaj ad zachodnich krynic, častka rasijskaha siłavoha aparatu choča vystavić maksimalisckija patrabavańni.
Siarod ich, jak śćviardžajecca, nastupnyja:
— Uzbrojenyja siły Ukrainy pavinny być vyviedzieny z terytoryj, jakija Rasija abviaściła svaimi pavodle svajoj Kanstytucyi.
— Zachoplenyja Rasijaj terytoryi pavinny paźniej być pryznany Zachadam rasijskimi.
— Paśla zakančeńnia vajny Ukraina pavinna być «demilitaryzavanaja», heta značyć jaje armija pavinna być razzbrojenaja.
— Vojski NATO nie pavinny raźmiaščacca na terytoryi Ukrainy.
Zhodna ź infarmacyjaj krynic Bild, Kreml razhladaje mahčymaść adkłaści adkaz na prapanovu ZŠA ab spynieńni ahniu, kab vytarhavać bolš vyhadnyja ŭmovy.
Maskva nie choča, kab jaje ŭsprymali jak pieraškodu da miru, i rychtuje składanuju pieramoŭnuju taktyku, jakaja dazvolić paźbiehnuć takoha ŭražańnia i ŭ toj ža čas nie iści ni na jakija kampramisy.
Pakul niezrazumieła, nakolki amierykanski bok užo ŭličyŭ rasijskija aściarohi i patrabavańni: ci raźličvajuć amierykanskija dypłamaty na chutkuju ździełku, pra što pastajanna kaža Bieły dom, abo ž Vašynhton hatovy da doŭhich i žorstkich pieramoŭ…
Hazieta Washington Post taksama raniej paviedamiła, što Rasija choča sabatavać pieramovy z ZŠA. Heta vynikaje z peŭnaha dakumienta rasijskaha analityčnaha centra, źviazanaha z FSB.
Zhodna z dakumientam, płany prezidenta ZŠA Donalda Trampa pavinny być adchileny; ideja jeŭrapiejcaŭ ab raźmiaščeńni va Ukrainie miratvorčych vojskaŭ taksama nieprymalnaja. Zamiest hetaha Zachad pavinien pryznać zachoplenyja terytoryi rasijskimi, a ŭkrainskija terytoryi pobač z rasijskaj miažoj pavinny stać bufiernaj zonaj.
Ciapier čytajuć
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ8
Kamientary