Patencyjnyja patrabavańni Rasii na pieramovach uklučajuć «demantaž kijeŭskaha režymu»
Vydańnie The Washington Post piša pra zdabyćcio vyviedkaj nienazvanaj jeŭrapiejskaj krainy dakumienta, padrychtavanaha dla Kramla analityčnym centram, jaki ciesna pracuje ź Piataj słužbaj FSB, jakaja kuryruje apieracyi va Ukrainie, za tydzień da pieramovaŭ pamiž Rasijaj i ZŠA ŭ Er-Ryjadzie 18 lutaha.
Płany Trampa dasiahnuć miru za 100 dzion u hetym dakumiencie nazyvajucca nierealistyčnymi, a mirnaje raźviazańnie kryzisu va Ukrainie — niemahčymym da 2026 hoda.
Na dumku aŭtaraŭ dakumienta, biez pryznańnia zachoplenych terytoryj rasijskimi vajna moža pačacca znoŭ, naprykład, pry nastupnaj administracyi ZŠA.
Pry hetym u im nastojvajecca nie tolki na pryznańni rasiejskaha suvierenitetu nad akupavanymi terytoryjami, ale i na stvareńni bufiernaj zony na paŭnočnym uschodzie Ukrainy na miažy z Branskaj i Biełharadskaj abłaściami, a taksama demilitaryzavanaj zony ŭ paŭdniovych ukrainskich rehijonach pobač z Krymam. Hetaja zona ŭklučaje ŭ siabie Adeskuju vobłaść.
Mahčymyja sastupki Ukrainy, naprykład, admova ad siabroŭstva ŭ NATA i praviadzieńnie vybaraŭ, u jakich mohuć udzielničać prarasijskija partyi, traktujucca jak niedastatkovyja.
«Sapraŭdy, ciapierašni kijeŭski režym nie moža być źmienieny znutry krainy. Nieabchodny jaho poŭny demantaž», — cytuje hazieta dakumient.
Lubyja miratvorčyja siły (navat nie abaviazkova jeŭrapiejskija) u dakumiencie nazvanyja niepatrebnymi, pakolki jany buduć adčuvać na sabie «davoli mocny zachodni ŭpłyŭ».
Pres-sakratar Kramla Dźmitryj Piaskoŭ zajaviŭ vydańniu, što jamu «nieviadoma pra takija rekamiendacyi» i što Kreml «pracuje z bolš pradumanymi varyjantami».
Razam z tym vydańnie piša, što niekatoryja dziejańni Maskvy ŭ kancy lutaha całkam adpaviadajuć prapanovam z dakumienta: tak, 24 lutaha Pucin prapanavaŭ ZŠA sumiesna asvojvać radoviščy redkaziamielnych mietałaŭ na zachoplenych ukrainskich terytoryjach, a na pieršych sustrečach z pradstaŭnikami novaj amierykanskaj administracyi Rasija fakusavałasia na adnaŭleńni dypłamatyčnaj infrastruktury.
Tramp zajaviŭ, što jahonyja pradstaŭniki jeduć u Rasiju «prosta ciapier»
«Buduć vystaŭlenyja nievykanalnyja ŭmovy». U Kramli abmiarkoŭvajuć scenary admovy ad časovaha pieramirja
«Miač na baku Rasii» aznačaje, što Maskva ciapier moža adčuć cisk
Tramp anansavaŭ ułasnyja pieramovy z Pucinym na hetym tydni
Makron zaklikaŭ raspracavać płan harantyj biaśpieki dla Ukrainy na vypadak spynieńnia ahniu
Ciapier čytajuć
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ8
Kamientary