Hiensak NATA «całkam vieryć» u zdolnaść Trampa damovicca pra mir va Ukrainie
Hienieralny sakratar NATA Mark Rute ŭpeŭnieny ŭ zdolnaści prezidenta ZŠA Donalda Trampa damovicca pra mir va Ukrainie, paviedamlaje CNN.
Mark Rute. Fota: AP
Pa słovach Marka Rute, jon maje «poŭny davier» da Trampa ŭ pytańni dasiahnieńnia praciahłaha mirnaha pahadnieńnia va Ukrainie. Pra heta hienieralny sakratar NATA skazaŭ u intervju CNN napiaredadni zapłanavanaj razmovy prezidenta ZŠA z prezidentam Rasii Uładzimiram Pucinym.
Rute taksama nazvaŭ «vydatnym» toj fakt, što pradstaŭniki Ukrainy i ZŠA na minułym tydni ŭ Saudaŭskaj Aravii ŭzhadnili prapanovu ab spynieńni ahniu.
Jak dadaŭ hienieralny sakratar aljansu, jon nie ličyć, što Tramp zanadta daviaraje Pucinu.
«Jon dobra viedaje prezidenta Pucina jašče ź pieršaha terminu. Tamu jon razumieje, jak treba dziejničać, kab zaklučyć ździełku. Ja całkam u heta vieru», — zajaviŭ Rute.
Čytajcie taksama:
Pucin: Nie słuchajcie Piaskova, u jaho praca takaja
Stali viadomy mahčymyja ŭmovy Rasii dla spynieńnia ahniu va Ukrainie
Tramp pryznaŭsia, što sprečka ź Zialenskim u Biełym domie była častkaj cisku na Ukrainu
Tramp zajaviŭ, što «mnohija elemienty» mirnaha pahadnieńnia ŭžo ŭzhodnienyja