Tramp pryznaŭsia, što sprečka ź Zialenskim u Biełym domie była častkaj cisku na Ukrainu
«Nam treba było prymusić Ukrainu rabić pravilnyja rečy. Heta była niaprostaja situacyja», — skazaŭ prezident ZŠA.
Prezident ZŠA paćvierdziŭ, što jaho sprečka z Uładzimiram Zialenskim padčas vizitu ŭkrainskaha prezidenta ŭ Avalny kabiniet była častkaj stratehii cisku na Ukrainu. Jon taksama zajaviŭ, što rašeńnie ZŠA spynić pastaŭki zbroi Ukrainie nie mieła nijakich nastupstvaŭ dla ŭkrainskaj armii. Pra heta Tramp zajaviŭ padčas razmovy z žurnalistami 17 sakavika, piša «Ukrainskaja praŭda».
«Nam treba było prymusić Ukrainu rabić pravilnyja rečy. Heta była nie prostaja situacyja. Vy bačyli nievialikuju scenu ŭ Avalnym kabiniecie, ale ja dumaju, što zaraz jany robiać pravilnyja rečy, i my sprabujem dasiahnuć mirnaha pahadnieńnia, dasiahnuć spynieńnia ahniu, a potym i mirnaha pahadnieńnia», — skazaŭ Tramp.
Jon dadaŭ, što ŭ vajnie va Ukrainie hinie šmat ludziej i vykazaŭ pierakananaść, što zrabiŭ usio pravilna.
Akramia taho, adkazvajučy na pytańnie adnosna spynieńnia pastavak zbroi i raźviedvalnych danych Ukrainie, Tramp zajaviŭ, što hetaje rašeńnie nie mieła nijakich nastupstvaŭ dla ŭkrainskaj armii ŭ Kurskaj vobłaści Rasii.
«Nie, nie, zusim nie. Zusim naadvarot, ja dumaju, heta było aceniena, i my pavinny razumieć, i vy pavinny razumieć, što kali ja baču, jak niechta robić niešta drennaje, što pryviadzie da vialikaj kolkaści śmierciaŭ, adzinaja pryčyna, čamu ja ŭmiešvajusia — heta humannaść. Ja ŭmiešvajusia dziela humannaści, tamu što tam hinie šmat ludziej», — skazaŭ prezident ZŠA.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary