Smalavicki mietearyt aficyjna zarehistravany ŭ mižnarodnym rejestry

Mietearyt, jaki ŭpaŭ pablizu Smalavičaŭ, aficyjna zarehistravany ŭ Mižnarodnym katałohu mietearytaŭ, paviedamlaje Sputnik.

Fota: Kłub «Astranaminsk»

Zhodna z rejestram, mietearyt atrymaŭ nazvu pa miascovaści svajho padzieńnia — «Smalavičy», i adniesieny da kłasifikacyi H6 — «zvyčajny chandryt hrupy H, Typ 6». Padobnych mietearytaŭ u katałohu zarehistravana bolš za 7,2 tysiačy.

Pryvodziacca charaktarystyki mietearyta: jahonaja masa składaje 582 hrama, chandrytavaja matryca składajecca z alivina, nizkakalcyjevaha piraksiena, klinapiraksiena, płahijakłaza, trailita, Fe-Ni-mietału, chramitu, mierylitu i apatytu.

Źviestki pra rehistracyju mietearyta «Smalavičy» buduć apublikavanyja ŭ 114-m numary časopisa Meteoritical Bulletin, padrychtoŭka jakoha viadziecca ciapier.

Mietearyt upaŭ u rajonie Smalavič 25 śniežnia minułaha hoda. Płošča jaho pošukaŭ składała kala 10 kvadratnych kiłamietraŭ. Praź miesiac jaho askiepki byli vyjaŭlenyja i adpraŭlenyja na ekśpiertyzu, jakaja paśla paćvierdziła ich kaśmičnaje pachodžańnie. 

Kamientary da artykuła