Mietearyt upaŭ u Minskaj vobłaści. Achvotnyja mohuć dałučycca da pošukaŭ
25 śniežnia a 17:29:15, kali nieba jašče zastavałasia śvietłym, try kamiery Biełaruskaj mieteornaj sietki zafiksavali supierbalid ź jarkaściu, blizkaj da poŭni. Jon pralacieŭ nad Minskam i pryziamliŭsia pablizu Smalavičaŭ u vyhladzie mietearyta, piša kraj.by
Ahulnaja masa vypałaha mietearytnaha rečyva aceńvajecca ŭ niekalki kiłahramaŭ.
Raźličana trajektoryja palotu mietearyta i vierahodnaje pole jaho vypadzieńnia. Frahmienty mietearyta mierkavana vypali pa linii viosak: Raby Słup (10—50 hram), Prysynak (50—150 h), Kaluha (150—300 h), Čorny les (300—500 h), Vysokija Lady (500 h — 1 kh).
Miascovym žycharam prapanujecca źviartać uvahu na niezvyčajnyja kamiani roznych pamieraŭ, jakija mohuć lažać na pavierchni. Mietearyt moža mieć nastupnyja charaktarystyki:
- čornaja apalenaja korka z raskolinami abo skołami.
- čornaja matavaja abo karyčnievaja ržavaja pavierchnia.
- jon pryciahvajecca mahnitam, ščylny i nie rychły.
Śviedčańni padzieńnia i fotazdymki znojdzienych kamianioŭ, jakija nahadvajuć mietearyt, prośba dasyłać na elektronnuju poštu Minskaha Płanietaryja [email protected] abo ŭ Telegram-hrupu. Taksama pažadana zapisvać i dzialicca GPS-trekami pošukaŭ.
Znojdzieny mietearyt maje vialikaje navukovaje značeńnie i moža stać šostym viadomym mietearytam na terytoryi Biełarusi.
19 studzienia z dapamohaj vałancioraŭ užo byli arhanizavany pieršyja pošuki.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary