U łondanskim aeraporcie «Chitrou» adnavili paloty
Łondanski aeraport «Chitrou» adnaviŭ pryjom i adpraŭku samalotaŭ paśla pierapynku ŭ pracy, vyklikanaha pažaram na padstancyi, jakaja zabiaśpiečvała elektryčnaściu samy zahružany avijavuzieł Jeŭropy, piša Euronews.
Fota: Frank Augstein, File / AP
Za 18 hadzin prastoju pryjšłosia admianić bolš za 1300 rejsaŭ, što parušyła płany 200 tysiač pasažyraŭ. Niaznačnyja pieraboi čakajucca jašče na praciahu niekalkich dzion.
Pryčyna pažaru zastajecca nieviadomaj. U rasśledavańni biare ŭdzieł antyterarystyčnaje padraździaleńnie łondanskaj palicyi, ale ŭ Skotłand-Jardzie padkreślivajuć, što nijakich śviedčańniaŭ teraktu jany pakul nie znajšli.
Avijapieravozčyki zaklikajuć taksama vyśvietlić, čamu ŭ kiraŭnictva aeraporta nie było na taki vypadak avaryjnaha płana dziejańniaŭ.
Čytajcie taksama:
Łondanski aeraport «Chitrou» zakryli na sutki praz pažar na padstancyi
Na adnym z samalotaŭ «Biełavija» adklučyłasia sistema papiaredžańnia sutyknieńniaŭ u pavietry