Śviet

Łondanski aeraport «Chitrou» zakryli na sutki praz pažar na padstancyi

Łondanski aeraport «Chitrou» budzie zakryty na praciahu ŭsiaho dnia ŭ piatnicu z-za pažaru na padstancyi, jakaja zabiaśpiečvaje jaho elektryčnaściu, paviedamili ŭ administracyi aeraporta. Pryčyna ŭzharańnia pakul nieviadomaja, piša Bi-bi-si.

Fota: Frank Augstein, File / AP

«U suviazi z pažaram na elektrapadstancyi, što siłkuje aeraport, u «Chitrou» nazirajucca surjoznyja zboi ŭ elektrazabieśpiačeńni. Dla zabieśpiačeńnia biaśpieki pasažyraŭ i piersanału aeraport budzie začynieny da 23:59 21 sakavika», — havorycca ŭ paviedamleńni na sajcie aeraporta.

«Pasažyram raim ustrymacca ad pajezdak u aeraport i źviazacca sa svajoj avijakampanijaj dla ŭdakładnieńnia infarmacyi. Prynosim prabačeńni za pryčynienyja niazručnaści».

«Chitrou» — najbujniejšy aeraport Łondana i adzin z samych zahružanych u Jeŭropie.

Paśla pačatku pažaru rejsy, što nakiroŭvalisia ŭ «Chitrou», byli pieranakiravanyja ŭ inšyja aeraporty. «Pakul pažarnyja zmahajucca ź incydentam, u nas niama dakładnaha razumieńnia, kali elektrazabieśpiačeńnie moža być całkam adnoŭlena», — paviedamiŭ pradstaŭnik aeraporta.

U vyniku pažaru ŭ rajonie Chejs na zachadzie Łondana tysiačy damoŭ zastalisia biez elektryčnaści, kala 150 čałaviek byli evakujavanyja.

Jak paviedamiła adna z enierhietyčnych kampanij, bolš za 16 tysiač damoŭ zastalisia biez elektryčnaści praz maštabny zboj, vyklikany pažaram.

«My viedajem pra šyrokamaštabnaje adklučeńnie elektryčnaści, jakoje zakranuła mnohich našych klijentaŭ u rajonach Chejs, Chaŭnsłau i prylehłych terytoryjach», — zajavili ŭ kampanii.

U Łondanskaj pažarnaj bryhadzie (LFB) paviedamili, što atrymali kala 200 zvankoŭ ab pažary, jaki ŭspychnuŭ pozna ŭviečary ŭ čaćvier. Jaho pryčyna pakul nie ŭstanoŭlena.

«Heta vielmi prykmietny i surjozny incydent, i našy pažarnyja niastomna pracujuć u składanych umovach, kab jak maha chutčej uziać ahoń pad kantrol», — zajaviŭ pamočnik kamisara LFB Pet Hoŭłborn.

Kamientary

Ciapier čytajuć

U Lvovie zabili eks-staršyniu Viarchoŭnaj Rady i kamiendanta Majdana Andreja Parubija8

U Lvovie zabili eks-staršyniu Viarchoŭnaj Rady i kamiendanta Majdana Andreja Parubija

Usie naviny →
Usie naviny

Syn Iryny Abielskaj uvachodzić u kiraŭnictva BNBK. A były premjer Kyrhyzstana zvalniaŭsia adtul sa skandałam6

Na «Chimvałaknie» ŭ Hrodnie adbyłasia avaryja, jość paciarpiełyja

ZŠA sabrali cełuju fłatyliju kala bierahoŭ Vieniesueły

Anatol Kotaŭ adpłyŭ z Trabzona ŭ Sočy na jachcie15

ZŠA pradaduć Ukrainie 3350 dalnabojnych rakiet ERAM10

U Breście pažarnyja mašyny palivajuć voziera vadoj. Heta vielmi važnaja misija1

U chab «Robim Razam» Siarhieja Bulby prychodzili polskija siłaviki11

Łukašenka ŭ niadzielu na čatyry dni palacić u Kitaj8

«Da pieršaha pasta DAI». Na zapraŭcy ŭ Minsku zaŭvažyli niezvyčajny aŭtamabil VIDEA2

bolš čytanych navin
bolš łajkanych navin

U Lvovie zabili eks-staršyniu Viarchoŭnaj Rady i kamiendanta Majdana Andreja Parubija8

U Lvovie zabili eks-staršyniu Viarchoŭnaj Rady i kamiendanta Majdana Andreja Parubija

Hałoŭnaje
Usie naviny →

Zaŭvaha:

 

 

 

 

Zakryć Paviedamić