Na miažy Biełarusi z Polščaj zatrymlivajucca 98 sa 100 mihrantaŭ
22 sakavika premjer-ministr Polščy Donald Tusk pravioŭ sustreču z pradstaŭnikami siłavych struktur u padraździaleńni Pamiežnaj słužby ŭ Krynkach na miažy ź Biełaruśsiu. Pa vynikach sustrečy Donald Tusk zajaviŭ, što Polšča dasiahnuła «98% efiektyŭnaści zatrymańniaŭ» nielehalnych mihrantaŭ, jakija imknucca pierasiačy miažu ź biełaruskaj terytoryi.
Fota: gov.pl
«Heta značyć 98 sa 100 sprob niezakonnaha pierasiačeńnia miažy praduchilajucca dziakujučy rašučym dziejańniam našych sałdat, Pamiežnaj słužby i palicyi, — cytuje Tuska pres-słužba Ministerstva abarony Polščy. — My mabilizujem Jeŭropu, kab abarona hetaj miažy ŭsprymałasia jak ahulny abaviazak».
Pavodle jaho słoŭ, usiaho na miažy ź Biełaruśsiu znachodzicca 11 tysiač vajskoŭcaŭ, pamiežnikaŭ i palicyjantaŭ.
Čytajcie taksama:
Pamiežnuju achovu Polščy chočuć papoŭnić previentyŭnymi hrupami