Cichanoŭskaja: Demakratyčnyja pieramieny ŭ Biełarusi harantujuć 1000 kiłamietraŭ biaśpiečnaj miažy Jeŭrasajuzu
Demakratyčnaja lidarka naviedvaje Brusiel. Ranicaj jana ŭziała ŭdzieł u sustrečy ministraŭ ES pa jeŭrapiejskich spravach, zaklikaŭšy ministraŭ da aktyŭnych dziejańniaŭ, kab vyvieści Biełaruś z palityčnaha kryzisu, paviedamlaje jaje pres-słužba.
Cichanoŭskaja zaklikała ES praciahvać cisk na režym Łukašenki, pakul u krainie praciahvajucca represii, a palitviaźni znachodziacca ŭ niavoli, a taksama nastojliva prapanavała ministram padtrymać pieradaču Litvoj spravy suprać režymu ŭ Mižnarodny kryminalny sud u Haazie.
Cichanoŭskaja padkreśliła važnaść uzmacnieńnia padtrymki hramadzianskaj supolnaści i demakratyčnych inicyjatyvaŭ. Cichanoŭskaja adznačyła terminovuju nieabchodnaść kampiensavać skaračeńnie amierykanskaj dapamohi, kab zachavać biełaruskija niezaležnyja miedyja.
Jana taksama akcentavała ŭvahu na nieabchodnaści zabiaśpiečyć vydaču vizaŭ i pravavy status dla biełarusaŭ.
«Pakul Łukašenka va ŭładzie, Jeŭrapiejskamu Sajuzu budzie pastajanna pahražać niebiaśpieka. Tolki za apošnija vychodnyja my ŭbačyli sotni novych sprobaŭ pierasiačeńnia miežaŭ nielehalnymi mihrantami: z Polščaj, Litvoj i Łatvijaj. Heta nie prosta pahroza. Heta šantaž.
Biełaruś pakazvaje, što demakratyja i biaśpieka ŭzajemaźviazanyja: kali ŭrad nie pavažaje svoj narod — jon nie budzie pavažać i svaich susiedziaŭ. Ale my chočam, kab Biełaruś była takoj ža biaśpiečnaj, jak i ES. A heta mahčyma tolki tady, kali jana stanie demakratyčnaj. Demakratyčnyja pieramieny ŭ Biełarusi harantujuć 1000 kiłamietraŭ biaśpiečnaj miažy: biez napadu mihrantaŭ i pastajannaha strachu vajny», — padkreśliła Śviatłana Cichanoŭskaja.
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary