Hramadstva

U Polščy byłomu biełaruskamu pamiežniku dali šeść hadoŭ za pieravozku mihrantaŭ bolš za 20 hadoŭ tamu

Apielacyjny sud Biełastoka prysudziŭ šeść hadoŭ turmy byłomu biełaruskamu pamiežniku, jaki ŭ 2000—2007 hadach dapamahaŭ mihrantam pierasiakać miažu. Mužčyna znachodziŭsia ŭ vyšuku bolš za dziesiać hadoŭ, ale byŭ aryštavany, kali pryjechaŭ u Polšču na pracu, piša Most.

Ilustracyjnaje fota Podlaski.strazgraniczna.pl

Pamiežnik dziejničaŭ u składzie złačynnaj hrupoŭki, jakaja dapamahała hramadzianam Kitaja i Vjetnama nielehalna traplać u krainy Zachodniaj Jeŭropy. Ź biełaruskaha boku ŭ złačynnuju schiemu ŭvachodzili i inšyja pamiežniki. Mužčyna pracavaŭ na miažy z Polščaj — jak z boku Padlaskaha, tak i Lublinskaha vajavodstvaŭ.

Sud ustanaviŭ, što biełarus dapamahaŭ mihrantam dabracca da peŭnaha miesca na miažy. U pryznačany čas ich zabirali polskija ŭdzielniki hrupoŭki i dastaŭlali ŭ vakolicy Varšavy. Tam mihrantaŭ pieradavali inšym udzielnikam sietki, jakija dastaŭlali ich dalej u krainy Zachodniaj Jeŭropy.

Takim čynam u Jeŭropu mahli trapić sotni zamiežnikaŭ.

Śledstva ličyć, što ŭsia hetaja dziejnaść kaardynavałasia z Maskvy.

Asoba biełaruskaha pamiežnika daŭno była viadomaja polskim śledčym. Jon bolš za 10 hadoŭ byŭ u vyšuku, pakul u 2022 hodzie nie pryjechaŭ u Polšču, nibyta na pracu. Tady jaho zatrymali i zaklučyli pad vartu da suda.

«Nie ŭ toj čas, nie ŭ tym miescy i siarod nie tych ludziej»

Ahulny razhlad spravy adbyŭsia jašče ŭ lipieni 2024 hoda ŭ Akružnym sudzie Biełastoku. Tady biełarusa prysudzili da 6,5 hadoŭ pazbaŭleńnia voli i štrafu ŭ 72 tys. złotych (17 tysiač jeŭra).

Adnak i abarona, i prakuratura abskardzili prysud. Prakuratura patrabavała 9 hadoŭ źniavoleńnia. Abarona nastojvała na poŭnym apraŭdańni.

Adzin z advakataŭ, Rafał Juraviec, zajaviŭ, što jahony klijent «apynuŭsia nie ŭ toj čas, nie ŭ tym miescy i siarod nie tych ludziej. Jon byŭ tolki kiroŭcam i nie viedaŭ pra ŭsio, što adbyvajecca».

Adnak Apielacyjny sud padtrymaŭ vierdykt suda pieršaj instancyi pa ŭsich epizodach, akramia adnaho, bo pa im minuŭ termin daŭnaści.

U vyniku termin źniavoleńnia źmienšyli da 6 hadoŭ. Prysud ustupiŭ u zakonnuju siłu.

Kamientary

Ciapier čytajuć

Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia

Usie naviny →
Usie naviny

U Polščy pierad avijašou raźbiŭsia samalot F-16 VIDEA5

Vienhryja zabaraniła ŭjezd kamandziru ŭkrainskaha padraździaleńnia, adkaznaha za ataki na «Družbu». Hety vajskoviec — etničny vienhr10

«Rasija padobnaja da vady». Jak rasijskaja prapahanda nieprykmietna zavajoŭvaje aŭdytoryju ŭ Afrycy i Łacinskaj Amierycy2

Taćciana Ščytcova pakinuła kamandu Śviatłany Cichanoŭskaj14

U Słuckim rajonie z sałamianych ciukoŭ zrabili «Aleju pamiaci» FOTAFAKT9

Zatrymali kiraŭnictva Kvitki.by11

Zapuskajuć jašče adzin aŭtobusny rejs z Hrodna ŭ Vilniu

HUR zrabiła padryŭ na čyhunačnaj stancyi ŭ Ćviary VIDEA2

Francyja viartaje Madahaskaru čerap miascovaha karala, jakomu adsiekli hałavu 128 hadoŭ tamu

bolš čytanych navin
bolš łajkanych navin

Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia31

Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić