Nacbank vypuścić niezvyčajnuju banknotu naminałam 80 rubloŭ

Niezvyčajnuju kupiuru, a taksama novyja pamiatnyja maniety vypuściać 31 sakavika.

Fota: Nacbank Biełarusi

Nacbank vypuścić pamiatnuju kupiuru niezvyčajnaha naminału 80 rubloŭ. Jana budzie nasić nazvu «80 hod Pieramohi savieckaha naroda ŭ Vialikaj Ajčynnaj vajnie».

Na advarotnym baku kupiury buduć namalavanyja manumient Bresckaj krepaści «Mužnaść», skulptura «Radzima-maci», a taksama Čyrvony kaścioł, Nacyjanalnaja biblijateka i inšyja pabudovy.

U centry reviersnaha boku malunak ruki maci, jakaja trymaje ruku dziciaci, na fonie arnamientu, vyjavy architekturnaha kompleksu «Varoty Minska» i kvietki jabłyni, a taksama busły, jakija ŭzdymajucca ŭ pavietra.

Taksama 31 sakavika Nacbank vypuścić pamiatnyja maniety na anałahičnuju tematyku. Na reviersie maniety — stylizavanyja vyjavy dzirki ad kuli, zvanoŭ, uzoraŭ vajskovaj techniki i ŭzbrajeńnia na fonie ruin i nadpis «80 hod Pieramohi». Unizie — stylizavanaja vyjava troch hvaździkoŭ čyrvonaha koleru.

Adčakanili maniety ŭ Kazachstanie.

Kamientary da artykuła