Abaviazkovaje raźmierkavańnie dla studentaŭ-płatnikaŭ pakul nie ŭvodziać

Nie pieršy hod iduć razmovy pra toje, što ŭ Biełarusi adpracoŭvać pa raźmierkavańni buduć abaviazvać i tych vypusknikoŭ VNU, jakija vučylisia płatna. Adnak u Ministerstvie adukacyi zajavili, što pa stanie na siońniašni dzień uviadzieńnie abaviazkovaj adpracoŭki dla płatnikaŭ nie praduhledžana.

Siarhiej Piščoŭ. Skrynšot ź videa

Pry žadańni takija studenty, maŭlaŭ, i tak mohuć atrymać nakiravańnie na pieršaje miesca pracy — i štohod takoj mahčymaściu karystajucca bolš za tysiaču čałaviek, jak adznačyŭ načalnik Hałoŭnaha ŭpraŭleńnia prafiesijnaj adukacyi Siarhiej Piščoŭ.

Na dumku čynoŭnika, raźmierkavańnie na pieršaje miesca pracy — heta, maŭlaŭ, dobraja sacyjalnaja harantyja dla maładych śpiecyjalistaŭ. Bo ŭ navučalnych ustanovach jany asvojvajuć prafiesiju ŭ roŭnych umovach i ŭ adnolkavym abjomie, a nakiravańnie na pracu pa raźmierkavańni treba razhladać jak praciah navučańnia, ale ŭžo na praktycy i pad kiraŭnictvam vopytnych kaleh.

Akramia taho, Piščoŭ paviedamiŭ, što ŭ biełaruskich VNU ciapier prachodziać navučańnie kala 2 tys. hramadzian Rasii. Usiaho ž, pavodle jaho słoŭ, u VNU Biełarusi vučacca kala 30 tys. inšaziemcaŭ. 

Kamientary da artykuła