Dla tych, chto pastupaje ŭ Licej BDU, uvodziać papiaredniuju rehistracyju na sajcie
Papiaredniuju rehistracyju ŭ asabistym kabiniecie abituryjenta na aficyjnym sajcie Liceja imia F. E. Dziaržynskaha BDU vyrašana ŭvieści dziela stvareńnia kamfortnych umoŭ dla pastupajučych, paviedamlajuć Minsk-naviny.
U viedamstvie ŭdakładnili, što abituryjenty, jakija nie majuć techničnaj mahčymaści prajści takuju rehistracyju z asabistaha kampjutara, zmohuć zrabić heta va ŭstanovie adukacyi, u jakoj navučajucca na momant rehistracyi.
Jak adznačyli ŭ ministerstvie, hety licej — viadučaja ŭstanova ahulnaj siaredniaj adukacyi, konkurs siudy ŭ siarednim składaje ad 8 da 12 čałaviek na miesca. Navacyja, praduhledžanaja pastanovaj Ministerstva adukacyi, dazvolić zabiaśpiečyć jakasnuju arhanizacyju pryjomnaj kampanii, u pryvatnaści — raźmierkavać patoki abituryjentaŭ, daŭšy im mahčymaść udziełu ŭ konkursie pa dvuch profilach.
U licei patłumačyli, što zarehistravacca ŭ asabistym kabiniecie na sajcie ŭstanovy nieabchodna pierad padačaj dakumientaŭ. Dostup da infarmacyjnaha resursu budzie adkryty z 1 pa 15 krasavika. U zajavie možna budzie paznačyć dva profili (z udakładnieńniem pryjarytetnaha), pry ŭmovie, što adzin z ustupnych ekzamienaŭ źjaŭlajecca ahulnym dla abodvuch vybranych napramkaŭ.
Aryhinały dakumientaŭ, uklučajučy zajavu, paśviedčańnie ab ahulnaj bazavaj adukacyi, miedycynskuju daviedku i paćviardžeńnie najaŭnaści ilhot nieabchodna prynieści z 12 pa 15 červienia ŭ pryjomnuju kamisiju Liceja imia Dziaržynskaha BDU (vuł. Uljanaŭskaja, 8). Ustupnyja ekzamieny projduć z 16 červienia pa 5 lipienia.
Pieramožcy zaklučnaha etapu Respublikanskaj alimpijady, a taksama ŭładalniki rekamiendacyi naziralnaha savieta Nacyjanalnaha dziciačaha technaparka pastupajuć u licej biez ekzamienaŭ.
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?2
Kamientary