Hierojaŭ prapahandysckaha filma pra emihrantaŭ z ananimnych akaŭntaŭ zazyvajuć viarnucca ŭ Biełaruś

Jak stała viadoma «Našaj Nivie», hierojaŭ filma pra žyćcio emihrantaŭ «Čužoje nieba», jakoje prapahandysty źniali padmanam, aktyŭna zaklikajuć viarnucca dadomu.

Častcy hierojaŭ napisali z novaha akaŭnta, padpisanaha Irynaj, jakaja śćviardžała, što reprezientuje bieznazoŭnuju žanočuju pravaabarončuju arhanizacyju, jakaja nibyta pracuje ŭ Minsku.

Babrujskamu aktyvistu Uładzimiru Łazaravu pisali z taho ž telehram-akaŭnta, ź jakoha raniej raźviali na zdymku videa, a taksama na natchniony vodhuk pra film, jaki jon navat nie bačyŭ.

Łahatyp i nazva Warta tut adsyłajuć da adnajmiennaha sajta prychilnikaŭ Zianona Paźniaka. Mienavita heta padkupiła aktyvista, kali da jaho źviarnulisia pieršy raz.

Hieroi, ź jakimi my źviazalisia, śćviardžajuć, što adrazu ž zabłakavali aŭtaraŭ prapanovy, jakoj nie źbirajucca karystacca.

Aŭtary akaŭntaŭ, ź jakich rassyłajucca prapanovy na viartańnie, praihnaravali materyjały pra svaju aktyŭnaść, źmieščanyja ŭ «Našaj Nivie».

Pry hetym 22 sakavika błohier-zvarščyk Raman Pratasievič u svaim telehramie śćviardžaŭ, što dvoje hierojaŭ kino nibyta płanujuć viarnucca ŭ Biełaruś: «Adpaviednyja pracesy ŭžo zapuščanyja. Chto heta, ja kazać nie budu, kab ludzi zastavalisia ŭ biaśpiecy».

Kamientary da artykuła