«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT
Kab atrymać materyjał dla prapahandysckaha filma «Čužoje nieba», hierojaŭ ź Vilni padmanuli, skazaŭšy, što heta budzie materyjał dla Ofisa Śviatłany Cichanoŭskaj — vyklučna dla ŭnutranaha karystańnia i z metaj atrymańnia finansavaj dapamohi. Materyjał ža ź Biełastoka byŭ źniaty babrujskim aktyvistam Uładzimiram Łazaravym, jaki staŭ i adnym z hierojaŭ filma: jamu jašče ŭ vieraśni minułaha hoda pazvanili ŭ telehram «svaje chłopcy, zmahary ź Vilni», jakija paprasili padrychtavać materyjał dla ich miedyja. Ale ni imionaŭ, ni nazvy hetaha miedyja Uładzimir nie zapomniŭ i nie ŭdakładniaŭ.
«Mnie soramna, ale ja navat nie pamiataju, chto i jak tady nazvaŭsia, — pryznaŭsia ŭ kamientary «Našaj Nivie» Uładzimir Łazaraŭ. — Prosta paprasili źniać znajomych biełarusaŭ, raskazać, jak jany žyvuć. Jany tak dobra razmaŭlali, što jak by svaimi zrabilisia… A ŭ mianie ž sapraŭdy šmat znajomych u roznych krainach i haradach».
Dla filma, jak śćviardžaje Uładzimir, jon padrychtavaŭ svaju historyju. Taksama źniaŭ byłoha pradprymalnika Anatola, ź jakim jany pakul razam žyvuć u Biełastoku — mužčyny zdymali adzin adnaho pa čarzie. Anatol, u svaju čarhu, dumaŭ, što raskazvaje pra svajo žyćcio na kamieru «vyklučna dla fondaŭ». Tak jamu patłumačyŭ patrebu ŭ videa Uładzimir.
Za kožnaha hieroja paabiacali hanarar — 50 jeŭra. Hrošy sapraŭdy byli ŭ vyniku pieraviedzienyja na rachunak, paśla taho jak Uładzimir adpraviŭ kadry nieviadomamu ŭ telehramie, papiarednie zahruziŭšy ich na vobłaka. U tranzakcyi vidać, što hrošy byli dasłanyja pry dapamozie brytanskaha siervisu Tonio Limite, jaki dapamahaje rabić internacyjanalnyja pieravody anłajn.
Taksama 50 jeŭra jak «kampiensacyju za nabyćcio mikrafona» pieraviali Anatolu, ale zroblena heta było kryptavalutaj.
Na zachavanych skrynšotach ź pierapiski pamiž biezymiennym zakazčykam ź nikam @warta_1978 i Uładzimiram padrabiazna bačnaje techničnaje zadańnie. Zamoŭca padkreślivaje, što im abaviazkova patrebnyja imia i proźvišča hierojaŭ, ale abiacaje, što heta budzie «nie dla šyrokaj aŭdytoryi», vyklučna «dla struktur ES i łabistaŭ».
Taksama ź pierapiski, jakuju pieradali Redakcyi, vynikaje, što zamoŭca prasiŭ Uładzimira źniać niekatorych ludziej na biełastockaj akcyi ŭ honar Dnia vajarskaj słavy ŭ 2024-m. Ale sam Uładzimir tady adspravazdačyŭsia, što materyjał atrymaŭsia niajakasnym, tamu što na mierapryjemstvie było šumna. Tamu, vidać, intervju adtul i nie trapili ŭ vynikovy mantaž.
Vilenskuju ž kampaniju hierojaŭ filma «apracoŭvali» dva mužčyny, jakija nazvalisia Alaksandrami. Adzin ź ich (administratar) vydavaŭ siabie za supracoŭnika Ofisa Śviatłany Cichanoŭskaj, druhi (režysior) skazaŭ, što źviazany z pražskaj niezaležnaj kinastudyjaj BARRANDOV.
Ofis Śviatłany Cichanoŭskaj siońnia ŭžo asprečyŭ, što maje choć jakoje dačynieńnie da hetych zdymak. «Naša Niva» dadatkova nakiravała zvarot da češskaj studyi, ale vyhladaje na toje, što ŭ abodvuch vypadkach zakazčyki prosta vykarystali hučnyja struktury i brendy, vydali siabie nie za tych, kim źjaŭlajucca na samoj spravie. Na heta namiakaje ŭ tym liku toje, što paśla atrymańnia nieabchodnych rolikaŭ zamoŭcy padčyścili častku pierapiski z tymi, kaho jany ŭdała raźviali, a ciapier niedastupnyja dla zvankoŭ i nie adkazvajuć na paviedamleńni. Ich akaŭnty padobnyja na pustyški, śpiecyjalna stvoranyja pad zadańnie.
Dziaŭčyna, jakaja zdymała vilenskuju kampaniju hierojaŭ i sama stała adnoj z hieraiń rolika, raskazała «Našaj Nivie», što jany ź siabrami źviarnulisia pa dapamohu ŭ litoŭskuju palicyju, a taksama ŭ Departamient dziaržaŭnaj biaśpieki z prośbaj ab rasśledavańni i abaronie.
«Płanavałasia realizacyja prajekta, zaklikanaha padśviacić prablemy, ź jakimi sutykajucca biełaruskija palityčnyja ŭciekačy. My nie suprać ahučvać prablemy, bo Litva — heta demakratyčnaja jeŭrapiejskaja dziaržava, dzie isnuje svaboda słova i my spadziajemsia, što tut možna abmiarkoŭvać ciažkaści, nie aścierahajučysia represij, jak heta adbyvajecca ŭ Biełarusi.
Ale asabistuju infarmacyju, jakuju, jak zapeŭnivali nas, buduć vykarystoŭvać dla palapšeńnia žyćcia biełarusaŭ u Litvie, pieraviarnuli i vystavili pad ściaham biełaruskaj prapahandy. Da hetaha my nie majem nijakaha dačynieńnia. My pačuvajemsia tak, jak byccam nas usich vykačali ŭ brudzie, i ad usiaho hetaha prosta chočacca płakać. Aburalnaja ekspłuatacyja ŭraźlivych ludziej. My źviarnulisia ŭ dziaržaŭnyja orhany i čakajem ich reakcyi».
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak8
Kamientary