Muž hałoŭnaj hieraini prapahandysckaha filma BT skončyŭ žyćcio samahubstvam
Stanisłaŭ Brykin sa Škłova razam ź siamjoj emihravaŭ u 2022-m hodzie paśla palityčnaha pieraśledu. Žonka i dzieci viarnulisia ŭ Biełaruś, a jon pajšoŭ z žyćcia ŭ internacie dla biežancaŭ u Litvie.
18 sakavika ŭ Minsku adbyłasia premjera prapahandysckaha kino «Čužoje nieba». Bolšuju jaho častku źniali padmanam, ale adna sapraŭdnaja hierainia ŭ filmie ŭsio ž była.
Žycharku Škłova Juliju Brykinu-Barysavu navat zaprasili na zakryty pakaz — razam ź ministrami i ideołahami.
Jana emihravała ź siamjoj u 2022 hodzie — paśla taho jak jaje mužu Stanisłavu Brykinu staŭ pahražać palityčny kryminalny pieraśled.
U 2020-m jon, rabotnik «Biełtelekama», dałučyŭsia da zabastoŭki. Taksama nieadnarazova ŭdzielničaŭ u pratestach.
Siamja pražyła ŭ Hiermanii dva z pałovaj hady, adnak urešcie Julija ź dziećmi vyrašyła viarnucca ŭ Biełaruś. Stanisłaŭ zastaŭsia ŭ Jeŭropie.
Viarnuŭšysia, Julija paŭdzielničała ŭ filmie prapahandystaŭ. Kali adbylisia zdymki, nieviadoma.
Jak paviedamiŭ Andrej Stryžak, cieła Stanisłava Brykina znajšli 4 sakavika 2025 hoda ŭ łahiery dla ŭciekačoŭ u litoŭskim Padbrodździ. Asnoŭnaja viersija śledstva — samahubstva.
«Ci viedaŭ Stanisłaŭ što jahonaja žonka źniałasia ŭ prapahandysckim kino? Nieviadoma. Ci mahła b viestka pra heta stać kropkaj u jahonym rašeńni? Mahła b», — piša Andrej Stryžak.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj26
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary
Spačuvańni dzieciam, radzicielam.
Žal što pobač nie było siabroŭ jakija zmahli dapamahčy.