Źjaviŭsia ŭkaz ab stvareńni sietki suviazi pa technałohii 5G
Alaksandr Łukašenka 1 krasavika padpisaŭ ukaz № 139 «Ab realizacyi inviestycyjnaha prajekta», paviedamiła pres-słužba palityka. Dakumient, jak dekłarujecca, nakiravany na dalejšaje raźvićcio ŭ Biełarusi sučasnaj infrastruktury sietak elektrasuviazi na asnovie ŭkaranieńnia ŭ intaresach dziaržavy, hramadzian i biznesu novych infarmacyjna-kamunikacyjnych technałohij.
Fota: freepik.com
Ukazam praduhledžana stvareńnie sietki sotavaj ruchomaj elektrasuviazi pa technałohii IMT-2020 (5G) pa madeli adzinaha infrastrukturnaha apieratara z uklučeńniem u skład hetaj sietki adzinaj sietki sotavaj ruchomaj elektrasuviazi pa technałohii LTE (4G).
U vyniku realizacyi prajekta płanujecca pavyšeńnie dastupnaści i jakaści mabilnaj suviazi i chutkaści internetu za košt aktyŭnaha ŭkaranieńnia technałohii 5G i pavieličeńnia achopu terytoryi krainy suviaźziu pa technałohii LTE.
Čytajcie taksama:
U Minsuviazi raskazali, kali ŭ Biełarusi źjavicca 5G
Try scenary, pa jakich «Biełtelekam» stanie mabilnym apierataram
Suviaź 5G chutka pryjdzie ŭ Biełaruś, ale času spatrebicca šmat
Ministr suviazi: 5G — heta ŭsiaho tolki technałohija. Karystalniku ŭsio roŭna, 5G, 6 abo 4